محدث شمارہ 16

والے مسلمانو! کیا تمہارے اسلاف نے قوتِ ایمانی کے بل بوتے پر، خدائے واحد پر توکل کرتے ہوئے اپنی قلت تعداد اور شاندار سامان حرب و ضرب سے محروم ہونے کے باوجود بھی چٹان کی طرح مضبوط، دیو ہیکل، فولادی اور آہنی انسانوں پر مشتمل، کیل کانٹے سے لیس، ناقابل شکست لشکروں کو ناکوں چنے نہیں چبوائے۔ انہیں چھٹی کا دودھ یاد نہیں دلایا۔ ذرا اسی کفر زار ہند سے پوچھو جس کے ہاتھوں آج تم محض اپنی روایات سے بغاوت کے جرم میں نالاں ہو۔ کیا اس کا چپہ چپہ تمہاری عظمتوں کا آئینہ دار نہیں ہے؟ کیا تم اپنے اس کم سن سترہ سالہ جرنیل محمد بن قاسم رحمہ اللہ کو بھول گئے جس کا راستہ راجہ داہر اور اس کے حلیف راجاؤں کی لکھو کھہا متحدہ جمعیتیں بھی روک نہ سکیں ، کیا تم غزنی کے اس مردِ آہن کو فراموش کر بیٹھے، جس نے اس سرزمین کو سترہ دفعہ اپنے پاؤں تلے روندا اور جس کی گرزِ البرز شکن کی چوٹ سے صنم کدۂ ہندوستان آج بھی تلملا رہا ہے؟ کیا احمد شاہ ابدالی کی چھوٹی چھوٹی توپوں کی آوازیں تمہارے دلوں کی دھڑکنوں کو تیز نہیں کرتیں جس نے مخالفین کے بڑے بڑے توپ خانوں کے پرخچے اڑا دیئے تھے۔ جس نے بڑے بڑے آہنی، سنگی او ناقابل شکست ایوانوں کو متزلزل کر کے رکھ دیا تھا اور جس کی شمشیرِ خار اشگاف نے بڑے بڑے جغادریوں ، رائے بہادروں ، ہلکروں ، گائیکواڑوں ، سورماؤں اور شمشیر بہادروں کو خاک و خون میں لوٹا دیا تھا۔ کیا تم ترکستان کے شیر ظہیر الدین بابر کی یلغاروں کو بھول گئے، جن کی بدولت کفر ستانِ ہند کے تخت و تاج سو سال تک کے لئے تمہارے قدموں میں آگرے اور اس عہد آفریں دَور کی یادگاریں ، دلی کالاں قلعہ، شاہی مسجد کے مینار، اور