محبت کرنا سیکھئے

راستہ چلنے پھرنے والے لوگوں کو گناہ کی دعوت دے رہے ہیں ، اور جب حسن خود دعوت نظارہ دے تو کون کافر ہے کہ نہ دیکھے، یہ حقیقت ہے کہ جب سے عورتوں نے بے پردہ گھروں سے نکلنا شروع کیا ہے ، نظارہ کرنے والوں کی تعداد میں کافی اضافہ ہواہے، بعض نوجوان ایسے ہیں جنہیں معلوم ہے کہ فلاں جگہ پہ بے شمار عورتیں آتی ہیں تو وہ وقت نکال کر ضرور وہاں پہنچ جاتے ہیں اور ایسی بے حیا عورتوں کا نظارہ کرکے اپنی آنکھوں کی روشنی میں اضافہ کرتے ہیں ۔ ۸۔ زیب وزینت کا پردہ: عورتیں فطری طورپہ زیب وزینت اور بناؤ وسنگھار کو پسند کرتی ہیں ، انہیں ان چیزوں کے اپنانے سے روکا نہیں جاسکتا، لیکن جب ان چیزوں کا اظہار اپنے شوہروں کے سامنے کریں تو بہتر اور قابل ستائش ہے لیکن اگر غیر محرموں کے سامنے اس کی نمائش کریں تو قابل مذمت اور حرام ہے اور ان کے لیے فتنہ وفساد کا ذریعہ بھی ، آج کل عورتیں دوسروں کے سامنے اپنے زیب وزینت کے اظہار سے فخر محسوس کرتی ہیں ۔ حالانکہ اس کی وجہ سے بہت ساری لالچی نگاہیں ان کی طرف اٹھتی ہیں اور بسا اوقات ان کا اپنا ہی حسن وجمال ان کے لیے آفت ومصیبت کا ذریعہ بن جاتا ہے۔ ۹۔ آواز کا پردہ: اسلام نے عورتوں کی حفاظت وصیانت کی خاطر ہی آواز کا پردہ کرنے کا حکم دیاہے کہ دوسروں سے اپنی آواز بھی پوشیدہ رکھیں ، کسی سے بات کرتے وقت نرم لہجہ نہ اپنائیں اور اس طرح لطافت وباریکی سے باتیں نہ کریں جس سے دوسرے کے دل کے اندر ان کی چاہت پیدا ہو اور وہ دل ہی دل میں ان کی نرمی ولطافت سے فائدہ اٹھاکر غلط فہمی کا شکار ہوجائے، قرآن کریم میں اللہ تعالیٰ نے اسی کے بارے میں فرمایا ہے: ﴿فَـلَا تَخْضَعْنَ بِالْقَوْلِ فَیَطْمَعَ الَّذِیْ فِیْ قَلْبِہٖ مَرَضٌ وَّ قُلْنَ قَوْلًا