محبت کرنا سیکھئے

اے وہ شخص اگر تم باغیرت اور ہوشیار ہوتو سمجھ لو کہ زنا کرنے والے کے ساتھ زنا کیا جائے گا خواہ دیوار کی اوٹ ہی سے کیوں نہ ہو۔‘‘ ب: عشق بازی کے ذرائع اور ان کا حل ۱۔ اسلامی تربیت سے لاپرواہی: اسلامی تعلیم وتربیت میں ہی انسانوں کا روشن وتابناک مستقبل پنہاں ہے، اسلام نے انسانوں کے مستقبل کی خیر وبھلائی کی وجہ سے ہی بچپن میں صحیح تعلیم وتربیت کا حکم دیاہے اور صحیح معنوں میں بچوں کی عہد طفولیت میں کی گئی تعلیم وتربیت ہی ان کی پوری زندگی کام آتی ہے، ورنہ اگر ان اوقات میں اسلامی تربیت سے پہلو تہی برتی گئی ہے تو بچوں کی زندگی میں کبھی بھی دینی شعار اور اسلامی حقوق وآداب نہیں آسکتے ہیں ۔ آج ہمارے معاشرے کے افراد پہ مغربیت اس قدر غالب آچکی ہے کہ ہم بچوں کی اسلامی تعلیم وتربیت کرنے کے بجائے مغربیت کے سایہ تلے ان کی تربیت وپرورش کرتے ہیں ، بچپن میں دینی اور اسلامی آداب واخلاق کی تعلیم دینے کے بجائے اپنے بچوں کو بہت شوق سے انگلش میڈیم ا سکولوں میں داخل کراتے ہیں اور ان پہ بہت روپے بھی خرچ کرتے ہیں تاکہ ان کا مستقبل خوب تابناک اور روشن ہو ، حالانکہ دیکھا جائے تو اس سے بچوں کی مستقبل بنتا نہیں ہے بلکہ اور خراب ہوتا ہے، یہی بچے جب ا سکولوں سے تعلیم حاصل کرکے کارگہ حیات میں قدم رکھتے ہیں تو انہیں اسلامی باتیں ناگوار معلوم پڑتی ہیں ، والدین کی نافرمانی کرتے ہیں ، بڑوں کی بے عزتی کرتے ہیں ، اسلامی حقوق وآداب کی پامالی کرتے ہیں ، شریعت اسلام کا مضحکہ اڑاتے ہیں اور وہ بلوغت کے بعد ایک دم اسلامی قید وبند سے آزاد ہوجاتے ہیں ، اب وہ آزادانہ اور من چاہی زندگی گزارنے کے خواہاں ہوتے ہیں ، اب کیا ہوتا ہے، نفسانی خواہشات کا ان پہ غلبہ ہوتا ہے اور اس کی تکمیل کے لیے وہ بدکاری اور زنا کاری میں