محبت کرنا سیکھئے

فکر مند رہتے ہوں گے ، معاشرے کے اندر ہر آدمی اپنی عورت ، بہو اوربیٹی کی عزت وعصمت کی حفاظت کرتا ہے، اگر ہر آدمی ایک دوسرے کو اپنے جیسا سمجھے تو معاشرہ سے عشق بازی، عصمت دری اور زناکاری دور ہوسکتی ہے، مسلمان وہی ہے جو اپنے لیے جو چیز پسند کرے، وہی چیز دوسروں کے لیے بھی پسند کرے ۔ حضرت ابو امامہ رضی اللہ عنہ روایت کرتے ہیں کہ ایک شخص نبی کریم صلی اللہ علیہ وسلم کی خدمت میں حاضر ہوا اور عرض کیا: اے اللہ کے رسول! مجھے زنا کی اجازت مل جائے ، لوگ سنتے ہی اسے جھڑکنے اور ڈانٹنے لگے ، نبی کریم صلی اللہ علیہ وسلم نے فرمایا: قریب آؤ اور بیٹھ جاؤ ، وہ جوان قریب آکر بیٹھ گیا ، نبی کریم صلی اللہ علیہ وسلم نے فرمایا: (جس چیز کی تو اجازت طلب کررہا ہے) کیا تو اپنی ماں کے لیے یہ پسند کرتاہے؟ جوان نے کہا: قربان جاؤں ، نہیں (میں اسے کبھی گوارا نہیں کرسکتاہوں )۔ نبی کریم صلی اللہ علیہ وسلم نے فرمایا: ہاں کوئی شخص بھی اپنی ماں کے لیے یہ پسند نہیں کرسکتا ۔ پھر آپ صلی اللہ علیہ وسلم نے پوچھا: کیا تم اپنی بیٹی کے لیے یہ پسند کرتے ہو؟ جوان بولا: قربان جاؤں ، نہیں آپ صلی اللہ علیہ وسلم نے فرمایا: ہاں ، کوئی شخص بھی اپنی بیٹی کے لیے یہ پسند نہیں کرسکتا ۔ پھر آپ صلی اللہ علیہ وسلم نے پوچھا: تم اپنی بہن کے لیے یہ چیزپسند کرتے ہو؟ جوان بولا: قربان جاؤں ، نہیں آپ صلی اللہ علیہ وسلم نے فرمایا: ہاں ، کوئی شخص بھی اپنی بہن کے لیے ایسا پسند نہیں کرسکتا۔ پھر آپ صلی اللہ علیہ وسلم نے پوچھا: تم اپنی پھوپھی کے لیے یہ بات پسند کرتے ہو؟ جوان بولا: قربان جاؤں ، نہیں ۔ آپ صلی اللہ علیہ وسلم نے فرمایا: ہاں ، کوئی انسان بھی اپنی پھوپھی کے لیے یہ پسند نہیں کرسکتا۔ پھرآپ صلی اللہ علیہ وسلم نے پوچھا : تم اپنی خالہ کے لیے یہ بات پسند کرتے ہو؟