محبت کرنا سیکھئے

عشق کی تباہ کاریاں عشق ایک ایسی بیماری ہے جس کے تمام پہلو ہلاکت وتباہی کی طرف لے جاتے ہیں یا تو خود دونوں عشق کرنے والوں کو لے ڈوبتی ہے یا دوسروں کو ہلاک اورتباہ و برباد کردیتی ہے، اس سلسلہ میں چند واقعات ملاحظہ ہوں ۔ عبد الرحمن بن ملجم جس نے حضرت علی رضی اللہ عنہ کو قتل کیا، اس کا سبب بھی ایک عورت کے ساتھ اس کا عشق تھا ، اس عورت کا نام’’ قطام‘‘ تھا جو خوارج کی رائے سے ہم آہنگ تھی ، جب عبد الرحمن نے اسے دیکھا تو اس کے عشق میں مبتلا ہوگیا اور اسے نکاح کا پیغام دے دیا، اس عورت نے یہ شرط لگادی کہ میں تجھ سے اس وقت شادی کروں گی جب تم تین ہزار روپے دینے کے ساتھ ساتھ حضرت علی کو قتل کردو، اس نے اس شرط پر حضرت علی کو قتل کرکے اس عورت سے شادی کر لی۔ حضرت یحییٰ علیہ السلام کو قتل کرانے کا سبب ایک اسرائیل کی زناکار عورت تھی جس کے عشق ومحبت نے بادشاہ کو یحییٰ علیہ السلام کا سر کاٹنے پر مجبور کردیا ۔ عاشق اور معشوقہ دونوں جل کر مر گئے : ایک مجلہ میں ایک ایسی نوجوان لڑکی کا قصہ شائع ہوا، جس نے اپنے جسم کو آگ لگالی، صرف اس وجہ سے کہ اس کا عاشق اس سے جدائی اختیار کر کے دوسری لڑکی سے عشق کرنے لگا، آگ لگانے سے پہلے تین دنوں تک لگاتار اپنے کمرے میں پڑی رہی، پھر جب دونوں کی آخری ملاقات ہوئی تو اس وقت دونوں میں بہت سخت کلامی ہوئی اورجب وہ اپنے عاشق سے ناامید ہوگئی توغصہ میں آکر اس نے اپنے جسم پہ پٹرول گراکر آگ لگا لی، جب یہ کیفیت