منہاج المسلم

اور فرمایا:((اَلْقُضَاۃُ ثَلَاثَۃٌ:وَاحِدٌ فِي الْجَنَّۃِ،وَاثْنَانِ فِي النَّارِ،فَأَمَّا الَّذِي فِي الْجَنَّۃِ فَرَجُلٌ عَرَفَ الْحَقَّ فَقَضٰی بِہِ،وَرَجُلٌ عَرَفَ الْحَقَّ فَجَارَ فِي الْحُکْمِ فَھُوَ فِي النَّارِ،وَرَجُلٌ قَضٰی لِلنَّاسِ عَلٰی جَھْلٍ فَھُوَ فِي النَّارِ)) ’’قاضی تین قسم کے ہیں:ایک جنت میں اور دو جہنم میں ہوں گے:حق کی معرفت حاصل کر کے فیصلہ کرنے والا جنتی ہے اور جو حق دریافت ہونے کے باوجود فیصلے میں ظلم کرے،وہ جہنمی ہے اورجہالت پر(بغیر علم کے)لوگوں کے فیصلے کرنے والا بھی جہنمی ہے۔‘‘[1] اور آپ نے عبدالرحمن رضی اللہ عنہ بن سمرہ کو خطاب کرکے فرمایا:((لَا تَسْأَلِ الإِْمَارَۃَ فَإِنَّکَ إِنْ أُعْطِیتَھَا عَنْ غَیْرِ مَسْأَلَۃٍ أُعِنْتَ عَلَیْھَا،وَإِنْ أُعْطِیتَھَا عَنْ مَّسْأَلَۃٍ وُّکِلْتَ إِلَیْھَا)) ’’امارت کا سوال نہ کرنا،بغیر سوال اگر تو امیر بنایا گیا تو اس پر تیری مدد کی جائے گی اور اگر مانگنے سے تجھے امارت ملی تو تم اسی کے سپرد کیے جاؤگے(اللہ کی مدد شامل حال نہیں ہو گی۔‘‘)[2] اور فرمایا:((إِنَّکُمْ سَتَحْرِصُونَ عَلَی الإِْمَارَۃِ وَسَتَکُونُ نَدَامَۃً یَّوْمَ الْقِیَامَۃِ،فَنِعْمَ الْمُرْضِعَۃُ وَبِئْسَتِ الْفَاطِمَۃُ)) ’’عنقریب لوگ امیر بننے کی حرص کریں گے اور عنقریب یہ امارت قیامت کے دن ندامت کا باعث ہو گی کیونکہ دودھ پلانے والی اچھی اور چھڑوانے والی بری ہوتی ہے۔‘‘[3] ٭ مانگنے والے کو عہدۂ قضا نہ دیا جائے: منصب قضا پر اس شخص کو فائز نہ کیا جائے جو اس کا طلب گار یا حریص ہو،اس لیے کہ قضا ایک بھاری ذمے داری اور عظیم امانت ہے،لہٰذا وہی اس کا سوال کرے گا جو اس کی اہمیت نہیں سمجھتا اور کیا توقع ہے کہ وہ خیانت نہیں کرے گاجس کے نتیجے میں ناقابل برداشت حد تک دینی و اجتماعی خرابیاں پیدا ہو جائیں گی۔اسی لیے رسول اللہ صلی اللہ علیہ وسلم نے فرمایا ہے:((إِنَّا وَاللّٰہِ!لَا نُوَلِّي عَلٰی ھٰذَا الْعَمَلِ أَحَدًا سَأَلَہُ وَلَا أَحَدًا حَرَصَ عَلَیْہِ))

[1] [حسن] سنن أبي داود، القضاء، باب في القاضي یخطئ، حدیث: 3573، وجامع الترمذي، الأحکام، باب ماجاء عن رسول اللّٰہ صلی اللہ علیہ وسلم في القاضي، حدیث: 1322، و سنن ابن ماجہ، الأحکام، باب الحاکم یجتھد:، حدیث: 2315۔ [2] صحیح البخاري،کفارات الأیمان، باب الکفارۃ قبل الحنث وبعدہ، حدیث: 6722، وصحیح مسلم، الإمارۃ، باب النھي عن طلب الإمارۃ والحرص علیھا، حدیث: 1652 بعد الحدیث: 1823۔ [3] صحیح البخاري، الأحکام، باب ما یکرہ من الحرص علَی الإمارۃ، حدیث: 7148۔ اسی طرح دنیاوی مفادات کا حصول اچھا لگتا ہے اور ان کا حساب کتاب برا لگتا ہے۔ (محمد عبدالجبار)