منہاج المسلم

’’سو جو میری ہدایت پر چلے گا،وہ نہ تو گمراہ ہوگا اور نہ بدبخت اور جو میرے ذکر سے اعراض کرے گا،تو یقینا اس کے لیے تنگ زندگی ہو گی اور ہم اسے قیامت کے دن اندھا اٹھائیں گے۔‘‘[1] ارشادِ ربانی ہے:﴿وَإِنَّهُ لَكِتَابٌ عَزِيزٌ﴿٤١﴾لَّا يَأْتِيهِ الْبَاطِلُ مِن بَيْنِ يَدَيْهِ وَلَا مِنْ خَلْفِهِ ۖ تَنزِيلٌ مِّنْ حَكِيمٍ حَمِيدٍ﴿٤٢﴾ ’’اور بے شک یہ کتابِ عزیز ہے،اس پر جھوٹ کا دخل نہ تو آگے سے ہو سکتا ہے اور نہ پیچھے سے،حکمت اور تعریف والے(اللہ)کی طرف سے اتاری ہوئی ہے۔‘‘[2] اللہ تعالیٰ کا وعدہ ہے:﴿إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ﴿٩﴾ ’’بے شک ہم ہی نے ذکر(قرآن)اتارا ہے اور ہم ہی اس کے محافظ ہیں۔‘‘[3] 2: رسول اللہ صلی اللہ علیہ وسلم جن پر وحی نازل ہوئی،انھوں نے بھی ہمیں قرآنِ پاک کی خبر دی اور فرمایا:((أَلَا إِنِّي أُوتِیتُ الْکِتَابَ وَ مِثْلَہُ مَعَہُ)) ’’خبردار!مجھے کتاب(قرآن)اور اس کے ساتھ اس کی مثل(حدیث)دی گئی ہے۔‘‘[4] نیز فرمایا: ’خَیْرُکُمْ مََّنْ تَعَلَّمَ الْقُرْآنَ وَ عَلَّمَہُ‘ ’’تم میں بہتر وہ ہے جو قرآن سیکھے اوراسے(دوسروں کو)سکھائے۔‘‘[5] مزید فرمایا:’لَا حَسَدَ إِلَّا فِي اثْنَتَیْنِ:رَجُلٌ آتَاہُ اللّٰہُ الْقُرْآنَ فَہُوَ یَتْلُوہُ آنَائَ اللَّیْلِ وَ آنَائَ النَّہَارِ،وَ رَجُلٌ آتَاہُ اللّٰہُ مَالًا فَہُوَ یُنْفِقُہُ آنَائَ اللَّیْلِ وَ آنَائَ النَّہَارِ‘ ’’صرف دو آدمیوں پر رشک کرنا چاہیے،ایک وہ جسے اللہ تعالیٰ نے قرآن(کا علم)دیا ہے،وہ دن رات اسے پڑھتا ہے اور دوسرا وہ جسے اللہ تعالیٰ نے مال عطا کیا ہے،وہ اسے دن رات(اللہ کی راہ میں)لٹاتا ہے۔‘‘[6] یہ بھی فرمایا:((مَا مِنَ الْأَنْبِیَائِ مِنْ نَّبِيٍّ إِلَّا وَ قَدْ أُعْطِيَ مِنَ الْآیَاتِ مَا مِثْلُہُ آمَنَ عَلَیْہِ الْبَشَرُ،وَ إِنَّمَا کَانَ الَّذِي أُوتِیتُ وَحْیًا أَوْحَی اللّٰہُ إِلَيَّ فَأَرْجُو أَنْ أَکُونَ أَکْثَرَہُمْ تَابِعًا یَّوْمَ الْقِیَامَۃِ)) ’’ہر نبی کو ایسے معجزات دیے گئے ہیں کہ ان کی شان یہ تھی کہ اس کے مثل پر لوگ ایمان لے آئیں۔مجھے وحی کا معجزہ عطا کیا گیا ہے جو اللہ تعالیٰ نے میری طرف کی ہے،سو میں امید کرتا ہوں کہ قیامت کے دن میرے پیروکار سب سے زیادہ ہوں گے۔‘‘[7] فرمانِ نبوی ہے:’وَ لَوْ کَانَ مُوسٰی حَیًّا بَیْنَ أَظْہُرِکُمْ مَّا حَلَّ لَہُ إِلَّا أَنْ یَّتَّبِعَنِي‘

[1] طٰہٰ 124,123:20۔ [2] حٰمٓ السجدۃ 42,41:41۔ [3] الحجر 9:15۔ [4] [صحیح] سنن أبي داود، السنۃ، باب في لزوم السنۃ، حدیث : 4604 [5] صحیح البخاري، فضائل القرآن، باب خیرکم من تعلم القرآن وعلمہ، حدیث: 5027 [6] صحیح البخاري، التوحید، باب قول النبي صلی اللہ علیہ وسلم ـ ’رجل آتاہ اللّٰہ القرآن::‘، حدیث: 7529۔ [7] صحیح مسلم، الإیمان، باب وجوب الإیمان برسالۃ نبینا محمد صلی اللہ علیہ وسلم ::، حدیث: 152۔