منہاج المسلم

قیراط(اجرت)کے مستحق ٹھہرے،پھر انجیل والوں کو انجیل ملی،وہ نمازِ عصر پڑھے جانے تک اس پر عمل کرتے رہے،پھر عاجز آگئے اور ایک ایک قیراط کے مستحق بنے۔(عمل کی مدت کم لیکن مزدوری اہلِ تورات کے برابر)،پھر تمھیں قرآن ملا،تم نے غروب آفتاب تک اس پر عمل کیا اور دو دو قیراط کے مستحق قرار دیے گئے۔اہل کتاب نے(یہ بات سنی تو)کہا:’’ان لوگوں کے عمل کا وقت ہم سے تھوڑا ہے اور اجرت زیادہ۔‘‘اللہ تعالیٰ نے فرمایا:’’کیا میں نے تمھارے حق میں کمی کی ہے؟‘‘ انھوں نے کہا:’’نہیں۔‘‘ فرمایا:’’پھر یہ میرا فضل ہے،جسے چاہوں(زیادہ)دوں۔‘‘[1] نیز فرمایا: ((خُفِّفَ عَلٰی دَاوُدَ عَلَیْہِ السَّلَامُ الْقُرْآنُ فَکَانَ یَأْمُرُ بِدَوَابِّہِ فَتُسْرَجُ فَیَقْرَأُ الْقُرْآنَ(التَّوْرَاۃَ،أَوِ الزَّبُورَ)قَبْلَ أَنْ تُسْرَجَ دَوَابُّہُ،وَلَا یَأْکُلُ إِلَّا مِنْ عَمَلِ یَدَیْہِ)) ’’داود علیہ السلام پر قرآن(قراء ت)آسان کردیا گیا تھا۔وہ گھوڑوں پر زین رکھنے کا حکم دیتے اور زین لگانے سے قبل کتاب اللہ کی قراء ت مکمل کر لیتے اور اللہ تعالیٰ کے یہ نبی علیہ السلام صرف اپنے ہاتھ کی کمائی کھاتے تھے۔‘‘[2] مزید فرمایا:((لَا حَسَدَ إِلَّا فِي اثْنَتَیْنِ:رَجُلٌ آتَاہُ اللّٰہُ الْقُرْآنَ فَہُوَ یَتْلُوہُ آنَائَ اللَّیْلِ وَ آنَائَ النَّہَارِ)) ’’رشک صرف دو آدمیوں پر کرنا چاہیے،(ان میں سے)ایک وہ(ہے)جسے اللہ نے دولتِ قرآن سے نوازا ہے اور وہ دن اور رات کی گھڑیوں میں قرآن پڑھتارہتا ہے۔‘‘[3] یہ بھی فرمایا:((تَرَکْتُ فِیکُمْ مَّا إِنِ اعْتَصَمْتُمْ بِہِ فَلَنْ تَضِلُّوا أَبَدًا:کِتَابُ اللّٰهِ وَسُنَّۃُ نَبِیِّہِ)) ’’میں تم میں ایسی چیز چھوڑ کر جا رہا ہوں،اگر تم نے اسے مضبوطی سے تھامے رکھا(اس پر عمل کیا)تو ہرگز کبھی بھی گمراہ نہیں ہو گے،(وہ چیز)اللہ کی کتاب اور اس کے نبی(صلی اللہ علیہ وسلم)کی سنت ہے۔‘‘[4] آپ نے فرمایا:((لَا تُصَدِّقُوا أَہْلَ الْکِتَابِ وَلَا تُکَذِّبُوہُمْ،وَقُولُوا:اٰمَنَّا بِالَّذِي أُنْزِلَ إِلَیْنَا وَ أُنْزِلَ إِلَیْکُمْ،وَ إِلٰہُنَا وَ إِلٰہُکُمْ وَاحِدٌ وَّ نَحْنُ لَہٗ مُسْلِمُونَ)) ’’اہل کتاب کی تصدیق اور تکذیب نہ کرو اور کہو کہ ہم اس پر،جو ہماری طرف اور جو تمھاری طرف اتارا گیا ہے،

[1] صحیح البخاري، التوحید، باب قول اللّٰہ تعالٰی: قُلْ فَأْتُوا بِالتَّوْرَاةِ فَاتْلُوهَا.. ، حدیث: 7533۔ [2] صحیح البخاري، أحادیث الأنبیاء ،باب قول اللّٰہ تعالٰی: ، حدیث: 3417، و مسند أحمد: 314/2۔ میں قرآن کی جگہ قراء ت کا لفظ ہے ۔ جس سے وضاحت ہو جاتی ہے کہ قرآن سے مراد بھی تورات ، زبور کی قراء ت ہے ۔ [3] صحیح البخاري، التوحید، باب قول النبي صلی اللہ علیہ وسلم : ’رجل آتاہ اللّٰہ القرآن:‘، حدیث: 7529۔ [4] [حسن لغیرہ] المستدرک للحاکم: 93/1، حدیث: 318، والموطأ للإمام مالک ،القدر، باب النہي عن القول بالقدر، حدیث: 1708 اس روایت کے متعدد شواہد ہیں ۔