منہاج المسلم

والے کو واپس کر دے اور اس کے ساتھ ایک صاع(تقریباً دو کلو)کھجور بھی دے۔‘‘[1] 5: مبیع(سودے)میں اگر عیب ہے جس سے اس کی قیمت کم بنتی ہے اور’ ’مشتری‘‘کو اس عیب کا علم نہیں تھا تو اسے ’’بیع‘‘(سودا)نافذ(جاری)رکھنے یا فسخ کرنے کا اختیار ہے،اس لیے کہ رسول اللہ صلی اللہ علیہ وسلم کا فرمان ہے:’لَا یَحِلُّ لِمُسْلِمٍ بَاعَ مِنْ أَخِیہِ بَیْعًا فِیہِ عَیْبٌ إِلَّا بَیَّنَہُ لَہُ‘ ’’کسی مسلمان کے لیے جائز نہیں کہ عیب دار چیز اپنے بھائی کو فروخت کرے،ا لّا یہ کہ اسے بتا دے۔‘‘[2] نیز فرمایا:’مَنْ غَشَّنَا فَلَیْسَ مِنَّا‘ ’’جس نے ہمیں دھوکا دیا،وہ ہم سے نہیں ہے۔‘‘[3] 6: اگر ’’بائع‘‘اور’’مشتری‘‘قیمت یا سامان کے اوصاف کے بارے میں اختلاف کریں تو ہر ایک قسم کھائے،پھر دونوں کو اختیار ہے کہ ’’بیع‘‘نافذ رکھیں یا فسخ کریں،اس لیے کہ مروی ہے:’إِذَا اخْتَلَفَ الْمُتَبَایِعَانِ وَالسِّلْعَۃُ قَائِمَۃٌ،وَلَا بَیِّنَۃَ لِأَحَدِھِمَا تَحَالَفَا‘ ’’بائع اور مشتری جب اختلاف کریں اور سامان موجود ہو اور گواہ کسی کے پاس نہ ہوں تو دونوں قسم کھائیں گے۔‘‘[4] ممنوع تجارتوں کی اقسام:رسول اللہ صلی اللہ علیہ وسلم نے کئی قسم کی بیوع(سَودوں)سے منع فرمایا ہے کیونکہ ان میں یا تو فریب اور دھوکا ہوتا ہے جس سے لوگوں کا مال باطل ذریعے سے کھانا لازم آتا ہے یا خیانت ہوتی ہے جو مسلمانوں میں دشمنی،کینہ اور جھگڑے پیدا کرنے کا باعث بنتی ہے۔چند ایک کی تفصیل یہ ہے: 1 قبضے میں لانے سے پہلے ہی فروخت کر دینا: کسی مسلمان کے لیے جائز نہیں کہ سامان خرید کر اسے اپنے قبضے میں لینے سے پہلے فروخت کر دے،اس لیے کہ رسول اللہ صلی اللہ علیہ وسلم کا فرمان ہے: ’إِذَا اشْتَرَیْتَ بَیْعًا فَلَا تَبِعْہُ حَتّٰی تَقْبِضَہُ‘’’جب تو کسی چیز کو خریدے تو اسے قبضے میں لینے سے پہلے نہ بیچ‘‘[5] اور فرمایا:’مَنِ ابْتَاعَ طَعَامًا فَلَا یَبِعْہُ حَتّٰی یَسْتَوْفِیَہُ‘ ’’جو طعام خریدتا ہے،اسے مکمل وصولی سے پہلے فروخت نہ کرے۔‘‘[6]

[1] صحیح البخاري، البیوع،باب النھي للبائع أن لایحفل:، حدیث : 2148، وصحیح مسلم، البیوع،باب تحریم بیع الرجل علٰی:، حدیث: 1515۔ [2] [صحیح] سنن ابن ماجہ، التجارات، باب من باع عیبا فلیبینہ،حدیث: 2246۔ [3] صحیح مسلم، الإیمان،باب قول النبي صلی اللہ علیہ وسلم : من غشنا فلیس منا،حدیث: 101، وسنن أبي داود، البیوع، باب في النھيعن الغش، حدیث: 3452۔ [4] [ضعیف] السنن الکبرٰی للبیھقي: 333/5 وإسنادہ منقطع ولہ شاہد عند النسائي وغیرہ،التلخیص الحبیر: 75/3، حدیث: 1227۔ [5] [ضعیف] مسند أحمد: 402/3، اس کی سند رجل کی جہالت کی وجہ سے ضعیفہے۔ [6] صحیح البخاري، البیوع،باب بیع الطعام قبل أن یقبض،حدیث: 2136۔