منہاج المسلم

یہ بھی مستحب ہے کہ ساتویں دن بچے کا نام رکھا جائے اور اچھا سا نام تجویز کیا جائے۔اسی دن سرمونڈا جائے اور بالوں کے ہم وزن سونا یا چاندی خیرات کر دی جائے۔اس لیے کہ رسول اللہ صلی اللہ علیہ وسلم کا فرمان ہے: ((کُلُّ غُلَامٍ رَّھِینَۃٌ بِعَقِیقَتِہِ تُذْبَحُ عَنْہُ یَوْمَ سَابِعِہِ،وَیُسَمّٰی وَیُحْلَقُ رَأْسُہُ)) ’’ہر لڑکا اپنے عقیقہ کے ساتھ رہن(گروی)ہے،ساتویں دن اس کی طرف سے(جانور)ذبح کیا جائے،اس کا نام رکھا جائے اور سر مونڈا جائے۔‘‘[1] 4: نومولود بچے کے دائیں کان میں اذان اور بائیں میں اقامت کہنا علماء کے نزدیک مستحب ہے،اس لیے کہ رسول اللہ صلی اللہ علیہ وسلم کے بارے میں آتا ہے: ((أَذَّنَ فِي أُذُنِ الحَسَنِ بْنِ عَلِيٍّ۔حِینَ وَلَدَتْہُ فَاطِمَۃُ۔بِالصَّلَاۃِ)) ’’جب فاطمہ رضی اللہ عنہا نے حسین بن علی رضی اللہ عنہما کو جنم دیا تو نبی صلی اللہ علیہ وسلم نے اس کے کان میں نماز والی اذان کہی۔‘‘[2] 5: اگر ساتواں دن گزر جائے اور جانور ذبح نہ ہو سکے تو چودہویں دن یا اکیسویں دن بھی ذبح کرنا درست ہے،[3] اگر بچہ سات دن سے پہلے فوت ہو جائے تو اس کی طرف سے عقیقہ نہ کیا جائے۔

[1] [صحیح] سنن أبي داود، الضحایا، باب في العقیقۃ، حدیث: 2838، وسنن النسائي، العقیقۃ، باب متٰی یعق، حدیث: 4225، و جامع الترمذي، الأضاحي، باب من العقیقۃ، حدیث: 1522 وقال حسن صحیح، وسنن ابن ماجہ، الذبائح، باب العقیقۃ، حدیث: 3165، اسے امام حاکم، ذہبی اور ابن جارود نے صحیح کہا ہے۔ [2] جامع الترمذي، الأضاحي، باب الأذان في أذن المولود، حدیث: 1514۔ امام ترمذی نے اسے ’’حسن‘‘ کہا ہے۔جبکہ بعض لوگ اسے ضعیف قرار دیتے ہیں ۔ [3] جامع الترمذي، الأضاحي، باب من العقیقۃ، تحت حدیث: 1522۔