منہاج المسلم

جب تک وہ بے وضو نہ ہو جائے۔‘‘[1] 3:کم ازکم جماعت:دو آدمی اکٹھے ہو جائیں تو ایک امام بن جائے دوسرا مقتدی،یہی جماعت ہے،البتہ جماعت میں کثرت تعداد اللہ کی محبت کا باعث ہے۔رسول اللہ صلی اللہ علیہ وسلم کا فرمان ہے:((صَلَاۃُ الرَّجُلِ مَعَ الرَّجُلِ أَزْکٰی مِنْ صَلَاتِہِ وَحْدَہُ،وَصَلَاتُہُ مَعَ الرَّجُلَیْنِ أَزْکٰی مِنْ صَلَاتِہِ مَعَ الرَّجُلِ،وَمَا کَثُرَ فَھُوَ أحَبُّ إِلَی اللّٰہِ تَعَالٰی)) ’’اکیلے کی نماز سے دوسرے آدمی کے ساتھ نماز پڑھنا افضل ہے اور دو کے ساتھ نماز پڑھنا ایک کے ساتھ نماز پڑھنے سے افضل ہے۔جماعت میں جتنی زیادہ تعداد ہوگی اتنا ہی اللہ تعالیٰ کو پسند ہے۔‘‘[2] جس شخص کا گھر مسجد سے دور ہے لیکن اس کے باوجود وہ نماز باجماعت پڑھنے کے لیے مسجد میں آتا ہے،اس کااجر بہت بڑا ہے،اس لیے کہ رسول اللہ صلی اللہ علیہ وسلم کا فرمان ہے: ((إِنَّ أَعْظَمَ النَّاسِ أَجْرًا فِي الصَّلَاۃِ أَبْعَدُھُمْ إِلَیْھَا مَمْشًی))’’بے شک زیادہ ثواب نماز کا ان لوگوں کو حاصل ہو گا جو دور سے چل کر مسجد میں آتے ہیں۔‘‘[3] 4:جماعت میں عورتوں کی شمولیت:عورتیں بھی مسجد میں جماعت کے ساتھ نماز ادا کرنے کے لیے آسکتی ہیں۔رسول اللہ صلی اللہ علیہ وسلم نے فرمایا:’لَا تَمْنَعُوا إِمَائَ اللّٰہِ مَسَاجِدَ اللّٰہِ‘ ’’عورتوں کو اللہ کی مساجد سے نہ روکو۔‘‘[4] البتہ وہ سادہ انداز میں آئیں اور خوشبو استعمال نہ کریں۔اس لیے کہ خوشبو استعمال کر کے مسجد میں آنا،ان کے لیے حلال نہیں ہے۔[5]اس لیے کہ رسول اللہ صلی اللہ علیہ وسلم نے فرمایا:((أَیُّمَا امْرَأَۃٍ أَصَابَتْ بُخُورًا فَلَا تَشْھَدْ مَعَنَا الْعِشَائَ الْآخِرَۃَ))’’عورت خوشبو استعمال کر کے ہمارے ساتھ عشاء کی نماز میں نہ آئے۔‘‘[6] نیز عورت کی نماز اپنے گھر میں زیادہ افضل ہے۔آپ صلی اللہ علیہ وسلم کا ارشاد ہے:

[1] صحیح البخاري، الأذان، باب فضل صلاۃ الجماعۃ، حدیث: 647، وصحیح مسلم، المساجد، باب فضل الصلاۃ المکتوبۃ في جماعۃ:، حدیث: 649 بعد حدیث: 661 واللفظ لہ۔ [2] [صحیح ] مسند أحمد: 140/5، وسنن أبي داود، الصلاۃ، باب في فضل صلاۃ الجماعۃ، حدیث: 554، وسنن النسائي، الإمامۃ، باب الجماعۃ إذا کانوا اثنین، حدیث: 844، وصحیح ابن حبان، حدیث: 429، والمستدرک للحاکم: 247/1۔ [3] صحیح مسلم، المساجد، باب فضل کثرۃ الخطا إلَی المساجد، حدیث: 662۔ [4] صحیح البخاري، الجمعۃ، باب، حدیث: 900، وصحیح مسلم، الصلاۃ، باب خروج النساء إلَی المساجد:، حدیث: 442۔ [5] [حسن] مسند أحمد: 297/2و444و461، وسنن أبي داود، الترجل، باب في طیب المرأۃ للخروج، حدیث: 4174۔ [6] صحیح مسلم، الصلاۃ، باب خروج النساء إلَی المساجد:، حدیث: 444۔