منہاج المسلم

اللہ تعالیٰ کے سوا کسی سے حاجات کا سوال نہیں کریں گے۔[1] توکل اور اعتماد میں اس عقیدے کے مطابق زندگی بسر کرنے والا مومن اپنے عقیدہ ونظریہ کی آبیاری آیات مبارکہ اور احادیث مطہرہ سے کرتا رہتا ہے۔ ﴿وَتَوَكَّلْ عَلَى الْحَيِّ الَّذِي لَا يَمُوتُ﴾’’اور اس زندہ پر بھروسا کر جو کبھی نہیں مرے گا۔‘‘[2] نیز ارشاد ربانی ہے:﴿وَقَالُوا حَسْبُنَا اللّٰهُ وَنِعْمَ الْوَكِيلُ﴾’’اور انھوں نے کہا:ہمیں اللہ کافی ہے اور وہ اچھا کام بنانے والا ہے۔‘‘[3] نیز ارشاد ہے:﴿إِنَّ اللّٰهَ يُحِبُّ الْمُتَوَكِّلِينَ﴾’’بے شک اللہ توکل کرنے والوں سے محبت رکھتا ہے۔‘‘[4] اور رسول اللہ صلی اللہ علیہ وسلم نے فرمایا:’لَوْ أَنَّکُمْ تَوَکَّلْتُمْ عَلَی اللّٰہِ حَقَّ تَوَکُّلِہٖ لَرَزَقَکُمْ کَمَا یَرْزُقُ الطَّیْرَ،تَغْدُو خِمَاصًا وَّتَرُوحُ بِطَانًا‘ ’’اگر تم اللہ پر ایسے بھروسا کرو جس طرح اس پر بھروسا کرنے کا حق ہے تو تمھیں بھی ایسے روزی دے گا جس طرح پرندوں کو دیتا ہے کہ وہ صبح خالی پیٹ نکلتے ہیں اور شام کو سیر ہو کر لوٹتے ہیں۔‘‘[5] اور گھر سے باہر نکلتے وقت آپ فرمایا کرتے تھے:((بِسْمِ اللّٰہِ تَوَکَّلْتُ عَلَی اللّٰہِ،وَلَا حَوْلَ وَلَا قُوَّۃَ إِلَّا بِاللّٰہِ)) ’’اللہ کے نام سے(نکلتا ہوں)میں اللہ پر توکل کرتا ہوں اور بدی سے بچنے اور نیکی کرنے کی طاقت اللہ ہی(کی طرف)سے حاصل ہوسکتی ہے۔‘‘[6] اور ان ستر ہزار لوگوں کے بارے میں،جو بغیر حساب وعذاب کے بہشت میں داخل ہوں گے،فرمایا: ((ھُمُ الَّذِینَ لَا یَسْتَرْقُونَ وَلاَ یَتَطَیَّرُونَ وَلَا یَکْتَوُونَ وَعَلٰی رَبِّھِمْ یَتَوَکَّلُونَ)) ’’یہ وہ لوگ ہیں جو دم نہیں کرواتے،بد شگونی نہیں کرتے،داغ نہیں لگواتے اور صرف اپنے پالنے والے اللہ ہی پر بھروسا کرتے ہیں۔‘‘[7]

[1] صحیح مسلم، الزکاۃ، باب کراھۃ المسألۃ للناس، حدیث: 1043۔ [2] الفرقان 58:25۔ [3] اٰل عمرٰن 173:3۔ [4] اٰل عمرٰن 159:3۔ [5] [حسن ] سنن ابن ماجہ، الزھد، باب التوکل والیقین، حدیث: 4164، وجامع الترمذي، الزھد، باب في التوکل علی اللّٰہ، حدیث: 2344 وقال: حسن صحیح، ومسند أحمد: 30/1۔ [6] [ضعیف] جامع الترمذي، الدعوات، باب ماجاء ما یقول إذا خرج من بیتہ، حدیث : 3426۔جبکہ امام ترمذی نے اسے ’’حسن صحیح‘‘ اور شیخ البانی نے ’’صحیح‘‘ قرار دیا ہے۔ [7] صحیح البخاري، الطب، باب من اکتوی أو کوی غیرہ:، حدیث: 5705، وصحیح مسلم، الإیمان، باب الدلیل علٰی دخول طوائف من المسلمین الجنۃ بغیر حساب ولا عذاب، حدیث: 218۔