منہاج المسلم

پر مجبور کر دو۔‘‘ [1] 12: کافر کے ساتھ عام آدابِ زندگی میں،چاہے واجب یا غیر واجب چیز یں ہوں،مشابہت نہیں کرنی چاہیے،مثلاً:داڑھی منڈانا کافر کا وطیرہ ہے جبکہ مسلمان داڑھی بڑھاتا ہے۔کافر اسے رنگتا نہیں ہے،جبکہ مسلمان کو چاہیے کہ داڑھی کے بال رنگے۔لباس،پگڑی،ٹوپی وغیرہ میں بھی کافر کے ساتھ مشابہت نہ کرے۔ارشادِ نبوی ہے: ’مَنْ تَشَبَّہَ بِقَوْمٍ فَھُوَ مِنْھُمْ‘ ’’جو کسی قوم کے ساتھ مشابہت کرتا ہے،وہ انھیں میں سے ہے۔‘‘[2] نیز فرمایا:’خَالِفُوا الْمُشْرِکِینَ،أَحْفُوا الشَّوَارِبَ وَأَوْفُوا اللِّحٰی‘’’مشرکین کی مخالفت کرو،مونچھیں کٹاؤ اور داڑھی بڑھاؤ۔‘‘ [3] مزید فرمایا:’إِنَّ الْیَھُودَ وَالنَّصَارٰی لَا یَصْبُغُونَ فَخَالِفُوھُمْ‘ ’’یہود و نصارٰی بال نہیں رنگتے،تم ان کی مخالفت کرو۔‘‘ [4] اس حدیث شریف سے داڑھی یا سر کے بالوں کو زرد یا سرخ رنگ سے رنگنا مراد ہے،اس لیے کہ سیاہ رنگ استعمال کرنے سے رسول اللہ صلی اللہ علیہ وسلم نے منع فرمایا ہے۔ حدیثِ نبوی ہے:’غَیِّرُوا ھٰذَا۔الشَّعْرَ الْأَبْیَضَ۔بِشَيْئٍ وَّاجْتَنِبُوا السَّوَادَ‘ ’’یہ سفید بال تبدیل کرو اور سیاہ رنگ سے اجتناب کرو۔‘‘ [5] جانوروں کے حقوق: مسلمان کا شیوہ ہے کہ وہ جانوروں کا خیال رکھتا ہے اور اللہ سبحانہ و تعالیٰ کے عطا کردہ جذبۂ رحم کے تحت درج ذیل امور پر عمل کرنے کی سعی کرتا رہتا ہے۔ 1: بھوک اور پیاس میں ان کی خوراک اور پانی کا وافر انتظام کرنا۔رسول اللہ صلی اللہ علیہ وسلم نے فرمایا: ’فِي کُلِّ ذَاتِ کَبِدٍ حَرّٰی أَجْرٌ‘ ’’ہر زندہ،جگر والی چیز(سے اچھا سلوک کرنے)میں ثواب ہے۔‘‘ [6] نیز فرمایا:’مَنْ لَّا یَرْحَمُ لَا یُرْحَمُ‘ ’’جو(مخلوق پر)رحم نہیں کرتا،اس پر(بھی)رحم نہیں کیا جاتا۔‘‘ [7] مزید فرمایا:’اِرْحَمُوا مَنْ فِي الْأَرْضِ یَرْحَمْکُمْ مَّنْ فِي السَّمَائِ‘

[1] صحیح مسلم، السلام، باب النہي عن ابتداء أہل الکتاب بالسلام:، حدیث: 2167۔ [2] [حسن] سنن أبي داود، اللباس، باب في لبس الشہرۃ، حدیث: 4031، اسے حافظ ابن حجر نے فتح الباری میں حسن کہا ہے۔ [3] صحیح البخاري، اللباس، باب تقلیم الأظفار، حدیث: 5892، وصحیح مسلم، الطہارۃ، باب خصال الفطرۃ، حدیث: 259 واللفظ لہ۔ [4] صحیح البخاري، اللباس، باب الخضاب، حدیث: 5899، وصحیح مسلم، اللباس، باب في مخالفۃ الیہود في الصبغ، حدیث: 2103۔ [5] صحیح مسلم، اللباس، باب استحباب خضاب الشیب بصفرۃ وحمرۃ:، حدیث: 2102۔ [6] [حسن] مسند أحمد : 223,222/2، وصحیح البخاري، المظالم، باب الآبار علی الطرق إذا لم یتأذّ بہا، حدیث: 2466، وصحیح مسلم، السلام، باب فضل سقي البھائم:، حدیث: 2244۔ [7] صحیح البخاري، الأدب، باب رحمۃ الولد وتقبیلہ ومعانقتہ، حدیث: 5997، وصحیح مسلم، الفضائل، باب رحمتہ صلی اللہ علیہ وسلم الصبیان والعیال:، حدیث: 2318۔