منہاج المسلم

’’نہ مسلمان عورتیں ان(کافروں)کے لیے حلال ہیں اور نہ وہ(کافر مرد)ان کے لیے حلال ہیں۔‘‘ [1] اور فرمایا:﴿وَلَا تُنكِحُوا الْمُشْرِكِينَ حَتَّىٰ يُؤْمِنُوا﴾’’اور مشرک مردوں کو مومن عورتوں کا نکاح نہ دو،یہاں تک کہ وہ ایمان لے آئیں۔‘‘ [2] البتہ کتابیہ عورت کے ساتھ مسلمان مرد کا نکاح اس حکمِ ربانی کی بنا پر جائز ہے: ﴿وَالْمُحْصَنَاتُ مِنَ الْمُؤْمِنَاتِ وَالْمُحْصَنَاتُ مِنَ الَّذِينَ أُوتُوا الْكِتَابَ مِن قَبْلِكُمْ إِذَا آتَيْتُمُوهُنَّ أُجُورَهُنَّ مُحْصِنِينَ غَيْرَ مُسَافِحِينَ وَلَا مُتَّخِذِي أَخْدَانٍ﴾ ’’اور تم سے پہلے جو لوگ کتاب دیے گئے ان کی شریف عورتیں(تمھارے لیے حلال ہیں)جب تم گھر آباد کرنے کے لیے ان کا حق مہر ادا کرو،نہ کہ کھلی بدکاری اور مخفی آشنائی کے لیے۔‘‘ [3] 9: کافر چھینک مارے اور اللہ کی حمد(تعریف)بیان کرے تو جواب میں مسلمان کہے: ’یَھْدِیکُمُ اللّٰہُ وَیُصْلِحُ بَالَکُمْ‘ ’’اللہ تمھیں ہدایت دے اور تمھارے حال کو درست کرے۔‘‘ [4] اس لیے کہ یہودی رسول اللہ صلی اللہ علیہ وسلم کے پاس آکر اس غرض سے چھینک مارتے تھے کہ آپ ان کے لیے رحم کی دعا کریں گے۔مگر آپ جواب میں ’یَھْدِیکُمُ اللّٰہُ وَیُصْلِحُ بَالَکُمْ‘ ہی فرماتے۔(حوالہ مذکورہ) 10: کافر کو سلام کی ابتدا نہ کرے اگر وہ سلام کہتا ہے تو جواب میں صرف ’’وَعَلَیْکُمْ‘‘ کہے۔ رسول اللہ صلی اللہ علیہ وسلم کا حکم ہے:’إذَا سَلَّمَ عَلَیْکُمْ أَھْلُ الْکِتَابِ فَقُولُوا:وَعَلَیْکُمْ‘ ’’اہل کتاب اگر تمھیں سلام کہیں تو جواب میں وعلیکم کہو۔‘‘ [5] 11: راستے میں چلتے وقت اسے تنگ راستے کی طرف مجبور کر دے کیونکہ رسول اللہ صلی اللہ علیہ وسلم کا فرمان ہے: ’لَا تَبْدَأُوا الْیَھُودَ وَلَا النَّصَارٰی بِالسَّلَامِ،وَإِذَا لَقِیتُمْ أَحَدَھُمْ فِي طَرِیقٍ فَاضْطَرُّوہُ إِلٰی أَضْیَقِہِ‘ ’’یہود و نصاریٰ کو سلام کرنے میں ابتدا نہ کرو۔اگر راستہ میں ملاقات ہو جائے تو اسے تنگ راستے پر جانے

[1] الممتحنۃ 10:60۔ [2] البقرۃ 221:2۔ [3] المآئدۃ 5:5۔ پوری آیتِ مبارکہ پر غور کرنے سے معلوم ہوتا ہے کہ عیسائی یا یہودی عورت سے نکاح مشروط طورپر جائز ہے، مثلاً: کتابیہ پاک دامن ہو، نکاح کے جملہ تقاضے پورے کیے جائیں اور خاوندیا اولاد کے بیوی کے دین کی جانب مائل ہونے کا خطرہ نہ ہو۔ واللہ اعلم (ع،ر) [4] سنن أبيداود، الأدب، باب کیف یشمت الذمي،حدیث: 5038، وجامع الترمذي، الأدب، باب ماجاء کیف یشمت العاطس، حدیث: 2739 وقال: حسن صحیح۔ اس میں سفیان ثوری کا عنعنہ ہے جبکہ صحیح البخاري: الأدب، باب إذا عطس کیف یشمت، حدیث: 6224سے اس دعا کا عام مسلمانوں کے لیے ثبوت ملتا ہے۔ اور راجح بات بھی یہی ہے۔ [5] صحیح البخاري، الاستئذان، باب کیف الرد علٰی أہل الذمۃ بالسلام؟ حدیث: 6258، وصحیح مسلم، السلام، باب النہي عن ابتداء أہل الکتاب بالسلام:، حدیث: 2163۔