کتاب: منہاج السنہ النبویہ (جلد6،5) - صفحہ 562
’’ کیا تمہیں کبھی کوئی غم نہیں پہنچتا؟ کیا تمہیں تھکاوٹ نہیں ہوتی؟ کیا تمہیں کوئی پریشانی لاحق نہیں ہوتی ؟ یہی وہ چیزیں جو بدلہ میں تمہیں دی جاتی ہیں ۔ [1]
حدیث میں ہے رسول اللہ صلی اللہ علیہ وسلم نے فرمایا:
’’ حدود مجرم کے لیے گناہوں کا کفارہ ہوتی ہیں ۔‘‘[2]
صحیحین میں ہے رسول اللہ صلی اللہ علیہ وسلم نے فرمایا:
’’ تم لوگ مجھ سے اس بات پر بیعت کرو کہ اللہ کے ساتھ کسی کو شریک نہ کرنا اور چوری نہ کرنا اور زنا نہ کرنا اور اپنی اولاد کو قتل نہ کرنا اور نہ ایسا بہتان(کسی پر)باندھنا جس کو تم(دیدہ و دانستہ)بنالاؤ۔ اور کسی اچھی بات میں اللہ اور رسول کی نافرمانی نہ کرنا پس جو کوئی تم میں سے(اس عہد کو)پورا کرے گا، تو اس کا ثواب اللہ کے ذمہ ہے۔ اور جو کوئی ان(بری باتوں )میں سے کسی میں مبتلا ہوجائے گا اور دنیا میں اس کی سزا اسے مل جائے گی تو یہ سزا اس کا کفارہ ہوجائے گی اور جو ان(بری) باتوں میں سے کسی میں مبتلا ہوجائے گا اور اللہ اس کو دنیا میں پوشیدہ رکھے گا تو وہ اللہ کے حوالے ہے، اگر چاہے تو اس سے درگذر کردے اور چاہے تو اسے عذاب دے ۔‘‘[3]
جب آسمانی مصائب و آفات جو کہ انسان کے فعل کے بغیر حاصل ہوتے ہیں ‘ اللہ تعالیٰ ان کی وجہ سے انسان کے گناہوں کو مٹا دیتے ہیں ۔پس پھر جو انسانوں کی طرف سے ظلم کیا جاتا ہے ؛ یا خلق کی طرف سے تکلیف پہنچتی ہے تو یہ بطریق اولی انسان کے گناہوں کا کفارہ بنتی ہے۔ جیسے کفار کی طرف سے مجاہدین کوپہنچنے والی تکلیف۔ اور جیسے انبیاء کرام علیہم السلام کو ان کے جھٹلانے والوں کی طرف تکلیف پہنچتی ہے۔ اور جیسے مظلوم کو ظالم کی طرف سے تکلیف پہنچتی ہے ۔ جب یہ امور اللہ اور اس کے رسول صلی اللہ علیہ وسلم کی نافرمانی کی وجہ سے پیش آتے ہیں [اور اللہ تعالیٰ انہیں گناہوں کا کفارہ بنادیتا ہے] تو اسی طرح حاکم کی طرف سے لگائی جانے والی حد یا تعزیر کی سزا بالاولی گناہوں کا کفارہ بنتی ہے ۔
حضرت عمر رضی اللہ عنہ کے دور میں یہ حال تھاکہ اگر کوئی انسان شراب پی لیتا تووہ آپ کی خدمت میں حاضر ہوتا ؛اور کہتا :
[1] مسند أحمد ۱؍۱۸۱
[2] مسند احمد ۶؍۳۶۵ ؛ فِی المسندِ 1؍181؛ الرقمِ 68؛ وہو فِی تفسِیرِ الطبرِیِ 9؍341 ؛ وانظر تعلِیق الأستاذِ محمود شاکِر ص243؛ تفسیر ابن کثیر 2؍370؛ والحدِیث فِی المستدرکِ، وفِی سننِ البیہقِیِ وغیرِ ذلِک ، وقال أحمد شاکِر رحمہ اللّٰہ اللأوا الشِدۃ وضِیق المعِیشِۃ، وہو فِی المستدرِک 3؍74 ؛ وصححہ الحاکِم ووافقہ الذہبِی۔
[3] البخاری:ج ۱ : ح: ۱۷ ؛ کتابِ الإِیمانِ ؛ و 5؍55 کتابِ مناقِبِ الأنصارِ، بابِ وفودِ الأنصارِ إِلی النبِیِ صلی اللّٰہ علیہِ وسلم بِمکۃ وبیعۃِ العقبۃ ِ 8؍159؛ کتابِ الحدودِ، بابِ: الحدود کفارۃ، بابِ توبۃِ السارِقِ مسلِم 3؍1333 ؛ ِکتابِ الحدودِ، بابِ: الحدود کفارات لأِہلِہا، سننِ النسائِیِ 7؍144 ؛ کتابِ البیعۃِ، بابِ ثوابِ من وفّی بِما بایع علیہ، سننِ الدارِمِیِ 2؍220؛ِ کتابِ السِیرِ، بابِ: فِی بیعِ النبِیِ صلی اللّٰہ علیہِ وسلم۔