منہاج السنہ النبویہ (جلد2،1)

جبریل علیہ السلام حضرت دحیہ کلبی رضی اللہ عنہ کی شکل میں رسول اللہ صلی اللہ علیہ وسلم کے پاس آیا کرتے تھے[1]۔ ایک بار ایک اعرابی کی شکل میں حاضر ہوئے؛حتی کہ صحابہ کرام نہیں بھی انہیں دیکھا[2]؛ اور نبی کریم صلی اللہ علیہ وسلم نے آپ کو اصلی صورت میں دو بار دیکھا؛ایک بار آسمان اور زمین کے درمیان اور دوسری بار آسمان پر سدرۃ المنتہیٰ کے پاس۔[3] ملائکہ کا ذکر کتاب عزیز کے متعدد مقامات پر ملتا ہے۔وہ زمین پر اترتے ہیں اور پھر آسمانوں کی طرف چڑھ جاتے ہیں ۔ یہ بات نصوص متواترہ سے ثابت ہے۔ اللہ تعالیٰ نے ملائکہ کو بدر؛ حنین اور خندق کے موقع پر اپنے رسول کریم صلی اللہ علیہ وسلم اور اہل ایمان کی نصرت کے لیے نازل فرمایا تھا۔ جیسا کہ اللہ تعالیٰ کا فرمان ہے: ﴿اِذْ تَسْتَغِیْثُوْنَ رَبَّکُمْ فَاسْتَجَابَ لَکُمْ اَنِّیْ مُمَدُّکُمْ بِاَلْفٍ مِّنَ الْمَلٰٓئِکَۃِ مُرْدِفِیْنَ﴾ [الانفال۹] ’’جب تم اپنے رب سے مدد مانگ رہے تھے تو اس نے تمھاری دعا قبول کر لی کہ بے شک میں ایک ہزار فرشتوں کے ساتھ تمھاری مدد کرنے والا ہوں ، جو ایک دوسرے کے پیچھے آنے والے ہیں ۔‘‘ اوراللہ تعالیٰ کا فرمان ہے: ﴿ثُمَّ اَنْزَلَ اللّٰہُ سَکِیْنَتَہٗ عَلٰی رَسُوْلِہٖ وَعَلَی الْمُؤْمِنِیْنَ وَ اَنْزَلَ جُنُوْدًا لَّمْ تَرَوْھَا﴾ ۔ [التوبۃ ۲۶] ’’پھر اللہ تعالیٰ نے اپنی سکینت اپنے رسول پر اور ایمان والوں پر نازل فرمائی اور وہ لشکر اتارے جو تم نے نہیں دیکھے۔‘‘ اللہ تعالیٰ کا فرمان ہے: ﴿فَاَرْسَلْنَا عَلَیْھِمْ رِیْحًا وَّ جُنُوْدًا لَّمْ تَرَوْھَا ﴾۔[الاحزاب ۹]

[1] فِی صحِیحِ البخاری 4؍112 ۔کِتاب بدِء الخلقِ، باب ذِکرِ الملائکۃِِ؛ وفِی الحدِیثِ: ’’یتمثل لِی الملک أحیاناً رجلا فیکلِمنِی فأعِی ما یقول۔‘‘ [2] یہ مشہور حدیث جبریل کی طرف اشارہ ہے۔ جس میں ہے یہ جبریل امین تھے ؛ آپ کو دین سکھانے کے لیے آئے تھے۔ یہ ان لوگوں کے عقائد و نظریات پر زبردست رد ہے جو کہتے ہیں کہ ملائکہ صرف خیالات ہیں ۔نیز اللہ تعالیٰ کا فرمان گرامی ہے:﴿اَلْحَمْدُ لِلّٰہِ فَاطِرِ السَّمٰوٰتِ وَ الْاَرْضِ جَاعِلِ الْمَلٰٓئِکَۃِ رُسُلًا اُولِیْٓ اَجْنِحَۃٍ مَّثْنٰی وَ ثُلٰثَ وَ رُبٰعَ یَزِیْدُ فِی الْخَلْقِ مَا یَشَآئُ﴾۔(فاطر۱)۔’’سب تعریف اللہ تعالیٰ کے لیے ہے جو آسمانوں اور زمین کا پیدا کرنے والا ہے، فرشتوں کو قاصد بنانے والا ہے جو دو دو اور تین تین اور چار چار پروں والے ہیں ، وہ (مخلوق کی) بناوٹ میں جو چاہتا ہے اضافہ کر دیتا ہے۔‘‘اس سے پتہ چلتا ہے کہ اللہ تعالیٰ نے ملائکہ کو جسمانی طبائع پر پیدا کیا ہے؛اوران کے لیے وہ خواص ثابت ہیں جو اجسام کے لیے ہوتے ہیں جیسے پر وغیرہ ۔ [3] فِی البخارِیِ4؍115۔ِکتاب بدئِ الخلقِ، باب ِإذا قال أحدکم آمِین؛ حدِیث عنِ ابنِ مسعود رضی اللّٰہ عنہ أن النبِی صلی اللّٰہ علیہ وسلم ۔ رأی جِبرِیل لہ سِتمِائۃِ جناح. وفِی المسندِ (ط. المعارِفِ) عنِ ابنِ مسعود رضی اللّٰہ عنہ عنِ النبِیِ صلی اللّٰہ علیہ وسلم رأیت جِبرِیل علی سِدرۃ ِ المنتہی ولہ سِتمِائۃِ جناح. . الحدِیث. وانظرِ البخاری ۔