منہاج السنہ النبویہ (جلد2،1)

ائمہ شیعہ معصومین اور حصول علم دین: [اشکال]:.... شیعہ کہتے ہیں کہ: ’’شیعہ نے فروعی احکام ائمہ معصومین نے اخذ کئے ہیں جنہوں نے اپنے جدا مجد جناب رسول اللہ صلی اللہ علیہ وسلم سے استفادہ کیا تھا....۔‘‘ [جواب]:.... ۱۔اس کا پہلا جواب تو یہ ہے کہ: مذکورہ بالا ائمہ نے اپنے جد امجد کا علم علماء سے ایسے ہی حاصل کیا تھاجیسے باقی تمام مسلمان علماء سے علم حاصل کرتے چلے آئے ہیں ۔ ان سے براہ راست استفادہ نہیں کیا۔ یہ بات ایک خبر متواتر کی طرح معروف و مسلم ہے۔ مثلاً علی بن حسین ؛ابان بن عثمان سے اور وہ اسامہ بن زید رضی اللہ عنہما سے روایت کرتے ہیں کہ: رسول اللہ صلی اللہ علیہ وسلم نے فرمایا: ((لا یرِث المسلِم الکافِر ولا الکافِر المسلِم۔))[1] ’’ کوئی مسلمان کسی کافر کا وارث نہیں بن سکتا اور نہ ہی کافر مسلمان کا وارث بن سکتا ہے۔‘‘ اور نبی کریم صلی اللہ علیہ وسلم کا فرمان گرامی ہے: (( من أعتق رقبۃ مؤمِنۃ أعتق اللّٰہ تعالیٰ بِکلِ عضوٍ مِنہا عضوًا مِن النارِ حتی فرجہ بِفرجِہ۔)) [2] أخرجاہ فِی الصحِیحینِ۔ ’’ جو کوئی کسی مؤمن کو آزادی دیتا ہے ؛ تو اللہ تعالیٰ اس کے ہر عضو کے بدلے اس کے ہر عضو کو جہنم کی آگ سے آزاد کرتے ہیں ؛ حتی کہ شرمگاہ کے بدلے شرمگاہ۔‘‘ حضرت ابن عباس رضی اللہ عنہماانصار کے ایک فرد سے روایت کرتے ہیں : ’’ایک ستارہ ٹوٹا جس سے روشنی ہوگئی۔‘‘ [3]

[1] الحدِیث رواہ عن أسامۃ بنِ زید رضی اللّٰہ عنہ البخاری فِی ثلاثِ مواضِع:۲؍۱۴۷۔ِکتاب الحجِ، باب تورِیثِ دورِ مکۃ۔۵؍۱۴۷کتاب المغازِی، باب أین رکز النبِی صلی اللّٰہ علیہ وسلم الرایۃ یوم الفتح۔ ۸؍۱۵۶۔کتاب الفرائِضِ، باب لا یرِث الکافِر المسلِم . وہو مروِی أیضا فِی مسلِم۳؍۱۲۳۳؛ أول کِتابِ الفرائِض . وفِی سندِ الحدِیثِ فِی ہذِہِ المواضِعِ جمِیعا: عن علِیِ بنِ الحسینِ عن عمرِو بنِ عثمان عن أسامۃ بنِ زید. وعمرو بن عثمان ہو شقِیق أبان، وانظر طبقاتِ ابنِ سعد: ۱؍۱۵۱۔والحدِیث فِی سننِ أبِی داؤد ۳؍۲۸۶۔ِکتاب الفرائِضِ،سنن ابن ماجہ ۲؍۹۱۱۔ِکتاب الفرائِضِ: باب مِیراثِ أہلِ الإِسلامِ مِن أہلِ الکفرِ۔ [2] الحدِیث عن أبِی ہریرۃ رضی اللہ عنہ فِی: البخاری 3؍144 کتاب العِتقِ، باب ما جاء فِی العِتقِ وفضلِہِ؛ مسلِم 2؍1147 ؛ کتاب العِتقِ، باب فضلِ العِتق . والحدِیث فِی: سننِ التِرمِذِیِ 3؍49 ؛ کتاب النذورِ، باب فِی ثوابِ من عتق رقبۃ۔ [3] یہ پوری حدیث یوں ہے : کہ ایک مرتبہ رسول اللہ صلی اللہ علیہ وسلم اپنے صحابہ کرام رضی اللہ عنہم کے ساتھ بیٹھے ہوئے تھے کہ اچانک ایک ستارہ ٹوٹا جس سے روشنی ہوگئی۔ آپ صلی اللہ علیہ وسلم نے فرمایا تم لوگ زمانہ جاہلیت میں اگر ایسا ہوتا تھا تو کیا کہتے تھے؟ عرض کیا گیا ہم کہتے تھے کہ یا تو کوئی بڑا آدمی مرے گا یا کوئی بڑا آدمی پیدا ہوگا۔ نبی اکرم صلی اللہ علیہ وسلم نے فرمایا کسی کی موت وحیات کی وجہ سے نہیں ٹوٹتا بلکہ ہمارا رب اگر کوئی حکم دیتا ہے تو حاملین عرش [فرشتے]تسبیح کرتے ہیں پھر اس آسمان والے فرشتے جو اس کے قریب ہے۔ پھر جو اس کے قریب ہیں ۔ یہاں تک کہ تسبیح کا شور اس آسمان تک پہنچتا ہے۔ پھر چھٹے آسمان والے فرشتے ساتویں آسمان والوں سے پوچھتے ہیں کہ تمہارے رب نے کیا فرمایا؟ وہ انہیں بتاتے ہیں اور پھر ہر نیچے والے اوپر والوں سے پوچھتے ہیں یہاں تک کہ وہ خبر آسمان دنیا والوں (