منہاج السنہ النبویہ (جلد2،1)

پس بتحقیق اللہ تعالیٰ نے اس بات کی خبر دی کہ جس نے سیدھی راہ کی اتباع کی وہ سیدھی راہ جو ہم تک آتی ہے اور یہ وہی راستہ ہے جس کو رسول لے کر آئے تو وہ گمراہ نہیں ہوگا اور نہ بد ببخت ہوگا اور جس نے اس کے ذکر سے اعراض کیا اور ذکر وہی ہے جس کو اللہ نے نازل کیا اور وہ اللہ کی وہ کتابیں ہیں جو رسولوں کو دے کر اللہ نے انہیں بھیجا اس دلیل پر کہ پھر اللہ نے یہ فرمایا: ﴿ قَالَ کَذَلِکَ أَتَتْکَ آیَاتُنَا فَنَسِیْتَہَا وَکَذَلِکَ الْیَوْمَ تُنسَی﴾ ( طٰہٰ ۱۲۶) ’’ فرمایا: یونہی تیرے پاس ہماری آیات آئیں تو تو انھیں بھول گیا اور اسی طرح آج تو بھلایا جائیگا۔‘‘ ذکر مصدر ہے جو کبھی فاعل کی طرف اور کبھی مفعول کی طرف مضاف ہوتا ہے۔ جس طرح کہ کہا جاتا ہے کہ’’دق الثوب ‘‘ اور دق القصار۔‘‘اورکہا جاتا ہے: أکل ُزید ؛ اور’’أکلُ طعام۔‘‘ اس طرح کہا جاتا ہے :’’ذکر اللہ۔‘‘یعنی بندے کا اللہ کا ذکر کرنا(یعنی مصدر مبنی للمفعول )۔اور کہا جاتا ہے کہ:’’ ذکر اللہ‘‘ یعنی اللہ کا وہ ذکر جو اللہ تعالیٰ کا اپنے بندے کا ذکر اور اس کی یاد ہے (یعنی مصدر مبنی للفاعل )۔ اور جیسے کہ وہ قرآن جو اللہ ہی کا ذکر ہے اور کبھی ذکر کی اضافت ایسی ہوتی ہے جس طرح کہ اسمائے محضہ کی اضافت پس آیت مذکورہ میں اللہ تعالیٰ کا یہ ارشاد ’’ذکر ی‘‘اگر اس کی اضافت مصادر کے اضافت کی طرح ہو تو پھر معنی یہ ہوگا کہ وہ ذکر جو میں نے کیا ہے اور وہ اس کا کلام ہے جو اس نے نازل کیا ہے اور اگر اس کی اضافت اسمائے محضہ کے اضافت کی طرح ہو تو پھر اللہ کا ذکر وہی ہے جو اس کے ساتھ خاص ہے یعنی ذکر میں سے اورقرآن وہی ہے جو اللہ تعالیٰ کے ساتھ خصوصیت رکھتا ہے۔ پس اللہ تعالیٰ فرماتے ہیں : ﴿ وَہَذَا ذِکْرٌ مُّبَارَکٌ أَنزَلْنَاہُ ﴾( انبیاء :۵۰) ’’اور یہ ایک با برکت نصیحت ہے جسے ہم نے نازل کیا ہے۔‘‘ نیز اللہ تعالیٰ فرماتے ہیں : ﴿ مَا یَأْتِیْہِم مِّن ذِکْرٍ مَّن رَّبِّہِم مُّحْدَثٍ ﴾( انبیاء: ۲) ’’ان کے پاس ان کے رب کی طرف سے کوئی نصیحت نہیں آتی جو تازہ دم ہو۔‘‘ اسی طرح اللہ تعالیٰ فرماتے ہیں : ﴿إِنْ ہُوَ إِلَّا ذِکْرٌ وَقُرْآنٌ مُّبِیْنٌ ﴾( یسٰین :۶۹ ) ’’بیشک وہ ذکر اور قرآن مبین ہے۔‘‘ ایسے ہی سورۃ نحل میں اللہ تعالیٰ فرماتے ہیں : ﴿وَأَنزَلْنَا إِلَیْکَ الذِّکْرَ لِتُبَیِّنَ لِلنَّاسِ مَا نُزِّلَ إِلَیْہِمْ﴾( نحل :۴۴ )