منہاج السنہ النبویہ (جلد2،1)

افراد کے تعاقب سے عبارت ہے (یعنی افرادکا یکے بعد دیگرے وجود میں آنا )اور یہ ایسا امر ہے کہ اس کے ساتھ مجموعہ یعنی کل مختص ہے اور ایک فرد اس کے ساتھ موصوف نہیں ہوسکتا اور جب مجموعہ کے لیے باہم اجتماع (افراد کا اجتماع )کے بسبب کوئی ایسا حکم ثابت ہو جس کے ذریعے وہ افراد کے حکم کے مخالف ہو تو مجموعہ کا اپنے بقیہ ا احکام میں افراد کے ساتھ مساوات واجب نہیں ہوتا اور بالجملہ وہ صفات جس سے افراد کو موصوف کیا جاتا ہے بسا اوقات اس سے مجموعہ بھی موصوف ہوتا ہے اور بسا اوقات موصوف نہیں ہوتا پس فردِ واحد کے حدوث سے نوع کا حدوث لازم نہیں آتا الا یہ کہ اگر یہ بات ثابت ہو جائے کہ یہ مجموعہ بھی ان افراد کی صفت کے ساتھ موصوف ہے ۔ اور اس کا ضابطہ یہ ہے کہ جب اس ایک فرد کو اس دوسرے فرد کے ساتھ ملانے سے وہ حکم جو اس فرد کے لیے تھا اگر وہ متغیر ہوگا تو پھر مجموعہ کا حکم افراد کا نہیں ہوگا اور اگر وہ حکم جو فرد کے لیے تھا وہ انضمام اور اتصال کے وجہ سے متغیر نہیں ہوتا توپھر مجموعہ کا حکم افراد کا حکم ہوگا،اول کی مثال جب ہم اِس جزء کو دوسرے جزء کے ساتھ ملا لیتے ہیں تو مجموعہ اکثر ہو جاتا ہے یا اقل یا ہر ہر فرد کے اکیلے حالت سے اعظم اور بڑا ہو جاتا ہے پس ان جیسے احکام میں مجموعہ کا حکم افراد کا حکم نہیں ہے یعنی کثرت میں ،طول اور عظمت میں اور اگر کہا جائے کہ یہ آج کا دن مثلاً اس کو طویل کی صفت کے ساتھ موصوف کیا جائے تو لازم نہیں آتا کہ اس کا جزء بھی طویل ہو اسی طرح جب یہ کہا جائے کہ یہ شخص یا یہ جسم طویل یا ممتد ہے یا کہا جائے کہ یہ نماز بڑی لمبی ہے یا کہا جائے کہ یہ نعمت اللہ کی دائم ہے تو لازم نہیں آتا کہ اس کا ہر ہر جزء بھی دائم ہو۔ اللہ تعالیٰ نے فرمایا: ﴿ أُکُلُہَا دَآئِمٌ وِظِلُّہَا﴾(سورۃ رعد ۳۵ ) ’’ان کا پھل بھی دائمی ہے اور سایہ بھی۔‘‘ اور کھانے کے اجزاء میں سے ہر ہر جزء تو دائمی نہیں ہوتا؛اسی طرح ایک حدیث صحیح میں رسول اللہ صلی اللہ علیہ وسلم کا ارشاد منقول ہے: ’’ اللہ کے نزدیک محبوب ترین عمل وہ ہے جو زیادہ دوام کے ساتھ ہو۔‘‘[1] حضرت عائشہ رضی اللہ عنہا کا قول ہے : ’’ رسول اللہ صلی اللہ علیہ وسلم کا عمل دوام کی صفت کے ساتھ ہوتا تھا۔ ‘‘[2]

[1] مسلِم1؍540 ؛ کتاب صلاِۃ المسافِرِین وقصرِہا؛ البخاری 1؍13؛ کتاب الإِیمانِ، باب أحب الدِینِ ِإلی اللّٰہِ أدومہ۔ سننِ أبِی داود 2؍65 ؛ کتاب التطوعِ، باب ما یأمر بِہِ مِن القصدِ فِی الصلاِۃ [2] مسلِم 1؍541؛ کتاب صلاِۃ المسافِرِین، باب فضِیلۃِ العملِ الدائِم؛ سننِ بِی داود 2؍66؛ کتاب التطوعِ، باب ما یأمر بِہِ مِن القصدِ فِی الصلاِۃ۔وأورد البخاری حدِیثینِ عن عائِشۃ۔رضِی اللّٰہ عنہا۔بِمعنی ہذا الحدِیثِ مع اختِلافِ الألفاظِ: الأولِ1؍13(کتاب الِإیمانِ، باب أحب الدِینِ ِإلی اللّٰہِ أدومہ) ولفظہ: وان أحب الدِینِ إِلیہِ ما داوم علیہِ صاحِبہ. والثانِی 3؍38۔39 (کتاب الصومِ، باب صومِ شعبان) ولفظہ: وأحب الصلاِۃ ِ إلی النبِی ۔ صلی اللّٰہ علیہ وسلم ۔ ما داوم علیہِ وإن قلت.