من اطیب المنح

حسن لغیرہ مفرداتِ باب اَشُقَّ: ....واحد متکلم فعل مضارع معروف باب شَقَّ بروزن نصر بمعنی مشقت میں ڈالنا، ہفت اقسام سے مضاعف ثلاثی ہے۔ السِواک: ....بکسر السین، اسم مصدر باب ساک یسوک بروزن نصر بمعنی رگڑنا اور ملنا، ہفت اقسام سے اجوف واوی ہے، اس کی جمع سُوْکٌ آتی ہے۔ یہاں یہ مصدر مسواک (اسم آلہ) کے معنی میں یعنی دانت صاف کرنے کی لکڑی۔ خبر متوقف: ....وہ خبر ہے جس پر صحیح یا حسن کا حکم لگانے میں توقف کیا گیا ہو۔ طَرَأ: ....واحد مذکر غائب فعل ماضی معروف باب طَرَأ بروزن منع، بمعنی آنا۔ ہفت اقسام سے مہموز الفاء ہے۔ ٭٭....٭٭ حسن لغیرہ: وہ روایت ہے جس کو قبول کرنے سے توقف کیا گیا ہو، مثلاً مستور یا اس جیسے دوسرے راوی کی روایت ہے۔ یہ حسن لغیرہ اس وقت ہوگی جب درج بالا صفت کے حامل راوی کی متابعت اس جیسے ہی یا اس سے قوی کے ساتھ آجائے۔ اس روایت کی اصل ضعیف ہی ہے البتہ اس پر حسن کا نام متابع کی وجہ سے تقویت مل جانے سے آیا ہے۔ اس کی مثال ابی سعید خدری رضی اللہ عنہ ہے: ’’لاَضَرَرَ وَلَا ضِرَارَ‘‘ اسلام میں نہ ضرر ہے (یعنی دوسرے کو نقصان دے کر اپنا فائدہ کرنا) اور نہ ہی ضرار ہے (یعنی دوسرے کو نقصان دینا