کتاب: مسنون ذکر الٰہی، دعائیں - صفحہ 98
(( اَللّٰھُمَّ اِنِّیْ اَعُوْذُبِکَ اَنْ اَضِلَّ اَوْ اُضَلَّ اَوْ اَزِلَّ اَوْ اُزَلَّ اَوْ اَظْلِمَ اَو اُظْلَمَ اَوْ اَجْھَلَ اَوْ یُجْھَلَ عَلَيَّ )) [1] ’’اے اللہ! میں تیرے ساتھ اس سے پناہ مانگتا ہوں کہ دین حق سے گمراہ ہو جاؤں یا گمراہ کیا جاؤں، راہِ حق سے پھسل جاؤں یا پھسلایا جاؤں، کسی پر ظلم کروں یا کسی کے ظلم کا نشانہ بنوں، حق سے جاہل ہو جاؤں یا مجھ پر جہالت مسلّط کی جائے۔‘‘ گھر میں داخل ہوتے وقت: 47۔ نبی کریم صلی اللہ علیہ وسلم کا ارشاد ہے: ’’جب آدمی گھر میں داخل ہوتے وقت اور کھانا کھاتے وقت اللہ کا ذکر کرے تو شیطانِ لعین (اپنے ساتھیوں کو) کہتا ہے: تمھارے لیے یہاں نہ جائے شب باشی ہے نہ رات کا کھانا اور اگر گھر میں داخل ہوتے وقت اللہ کا ذکر نہ
[1] سنن أبي داود، رقم الحدیث (۵۰۹۴) سنن النسائي، رقم الحدیث (۵۴۸۶) سنن الترمذي، رقم الحدیث (۳۴۲۷) سنن ابن ماجہ، رقم الحدیث (۳۸۸۴)