کتاب: مسنون ذکر الٰہی، دعائیں - صفحہ 378
قاسم ابو عبدالرحمن رحمہ اللہ (تابعی) فرماتے ہیں:
’’میں نے ان سورتوں میں اسمِ اعظم تلاش کیا تو وہ اِن آیات میں پایا:
1 ۔﴿ اللّٰهُ لَا إِلَـٰهَ إِلَّا هُوَ الْحَيُّ الْقَيُّومُ ۚ﴾
[البقرۃ: ۲۵۵، آیۃ الکرسي]
’’اللہ کے سوا کوئی معبودِ برحق نہیں، وہ ہمیشہ زندہ و قائم رہنے والا ہے۔‘‘
2 ۔﴿ اللّٰهُ لَا إِلَـٰهَ إِلَّا هُوَ الْحَيُّ الْقَيُّومُ ۚ﴾ [آل عمران: ۲]
’’اللہ کے سوا کوئی معبودِ برحق نہیں، وہ ہمیشہ زندہ و قائم رہنے والا ہے۔ ‘‘
3 ۔﴿ وَعَنَتِ الْوُجُوهُ لِلْحَيِّ الْقَيُّومِ ۖ﴾ [طٰہٰ: ۱۱۱]
’’اور ہمیشہ زندہ و قائم رہنے والے کے سامنے سب جھکتے ہیں۔‘‘
تو گویا ہر سہہ سورتوں میں ہی واردہ اسمائے حُسنٰی ﴿ الْحَيُّ الْقَيُّومُ﴾ ہی اسمِ اعظم پر مشتمل ہیں۔ غرض ان آیات و احادیث میں متعدد اسمائے گرامی آئے ہیں، جن کے ساتھ دُعا کرنا باعثِ قبولیت ہے۔ مختلف مواقع پر مختلف اسمائے حُسنٰی کے ساتھ