مسنون نماز اور روز مرہ کی دعائیں

’’سیدہ عائشہ رضی اللہ عنہا نے مغرب کی نماز میں عورتوں کی امامت کے فرائض انجام دیے، پس وہ عورتوں کے درمیان کھڑی ہوئیں اور جہری (بلند آواز سے) قراء ت فرمائی۔‘‘[1] ام حسن سے مروی ہے: ((أَنَّہَا رَأَتْ أُمَّ سَلَمَۃً زَوْجَ النَّبِيِّ صلی اللّٰه علیہ وسلم تَؤُمٌّ النِّسَائَ، تَقُومُ مَعَہُنَّ فِي الصَّفِّ)) ’’انہوں نے دیکھا کہ ام المؤمنین ام سلمہ رضی اللہ عنہا نے عورتوں کی امامت کے فرائض انجام دیے اور وہ ان کے ساتھ صف ہی میں (صف کے درمیان میں ) کھڑی ہوئیں ۔‘‘[2] امام ابن حزم رحمہ اللہ اس روایت کے متعلق فرماتے ہیں : ((ہِيَ خَیْرُۃٌ، ثِقَۃُ الثِّقَاتِ ۔ وَھٰذَا إِسْنَادٌ کَالذَّہَبِ)) ’’یہ بہترین سند ہے، اس کے سب راوی انتہائی ثقہ ہیں ، یہ سند کیا ہے سونے کی ایک لڑی ہے۔‘‘ [3] حجیرۃ بنت حصین فرماتی ہیں : ((أَمَّتْنَا أُمُّ سَلَمَۃَ فِي صَلٰوۃِ الْعَصْرِ قَامَتْ بَیْنَنَا)) ’’سیدہ ام سلمہ رضی اللہ عنہا نے نماز عصر میں ہماری امامت کے فرائض انجام دیے اور آپ ہمارے درمیان میں کھڑی ہوئی تھیں ۔‘‘[4]

[1] المحلی لابن حزم: 219/4۔ [2] مصنف ابن أبي شیبۃ، الصلوات، باب المرأۃ تؤم النساء : 430/3، ح: 4953۔ [3] المحلی لابن حزم: 220/4۔ [4] مصنف عبدالرزاق، الصلاۃ، باب المرأۃ تؤم النساء: 140/3، ح:۵۰۸۲ ومصنف ابن أبي شیبۃ، الصلوات، باب المرأۃ، تؤم النساء: 430/1، ح:4952۔