مسنون نماز اور روز مرہ کی دعائیں

3. حضرت عبداللہ بن عمرو رضی اللہ عنہما کا بیان ہے کہ ایک آدمی نے نبی ٔ کریم صلی اللہ علیہ وسلم سے دریافت کیا کہ اسلام کا کون سا کام سب سے بہتر ہے ؟ آپ نے فرمایا:’’ (سب سے بہتر عمل یہ ہے کہ) تم (لوگوں کو ) کھانا کھلاؤ اور جسے تم پہچانتے ہو اور جسے نہیں پہچانتے (سب کو) سلام کہو۔‘‘[1] کافر کے سلام کا جواب نبی صلی اللہ علیہ وسلم کا فرمان ہے: ’’ جب اہل کتاب (یہودی اور عیسائی ) تمہیں سلام کہیں تو تم کہو: وَعَلَییکُمْ (اور تم پر بھی ۔)‘‘ [2] یعنی ان کو پورے الفاظ میں ، ’’وَعَلَیْکُمُ السَّلَامُ‘‘ جواب دینے کے بجائے صرف ’’وَعَلَیْکُمْ‘‘ کہو۔ ٭ ٭ ٭

[1] صحیح البخاري ، الإیمان، باب إطعام الطعام من الإسلام،حدیث: 12، وصحیح مسلم، الإیمان، باب بیان تفاضل الإسلام…،حدیث: 39۔ [2] صحیح البخاري، الاستئذان، باب کیف الرد علی أھل الذمۃ بالسّلام؟ حدیث: 6258۔