مسنون نماز اور روز مرہ کی دعائیں

لوگوں سے ڈرے تو یہ دعامانگے 1. ((اَللّٰھُمَّ اَکْفِنِیْھِمْ بِمَا شِئْتَ)) ’’اے اللہ ! تو مجھے ان سے کافی ہو جا جس طرح تو چاہے ۔ ‘‘[1] 2. ((اَللّٰہُمَّ اِنَّا نَجْعَلُکَ فِی نُخُوْرِہِمْ وَ نَعُوذُبِکَ مِنْ شُرُورِہَمْ)) ’’اے اللہ ہم تجھے ہی ان کے مقابلے میں کرتے اور ان کی شرارتوں سے تیری ہی پناہ میں آتے ہیں ۔‘‘[2] ادائیگیٔ قرض کی دُعا ((اَللّٰھُمَّ اکْفِنِیْ بِحَلَالِکَ عَنْ حَرَامِکَ وَاَغْنِنِیْ بِفَضْلِکَ عَمَّنْ سِوَاکَ)) ’’اے اللہ ! تو مجھے کافی ہو جا اپنے حلال کے ساتھ اپنی حرام (کردہ) چیزوں سے اور مجھے بے نیاز کر دے اپنے فضل سے ، اپنے ماسوا سے ۔ ‘‘[3] مشکل کام کی آسانی کے لیے دُعا ((اَللّٰھُمَّ لَا سَھْلَ اِلاَّ مَا جَعَلْتَہٗ سَھْلًا وَّ اَنْتَ تَجْعَلُ الْحَزَنَ اِذَا شِئْتَ سَھْلاً)) ’’اے اللہ ! نہیں ہے کوئی کام آسان مگر وہی جسے کر دے تُو آسان اور تُو کر دیتا ہے مشکل کام کو ، جب تو چاہے ، آسان ۔ ‘‘[4]

[1] صحیح مسلم ،الزھد، باب قصۃ أصحاب الأخدود والساحر،حدیث: 3005۔ [2] سنن أبيداود، الوتر، باب ما یقول الرجل اذا خاف قوماً، حدیث: 1537۔ [3] جامع الترمذي ، الدعوات، باب:110، حدیث: 3563، وصححہ الألبانی فی صحیح الترمذی: 180/3۔ [4] صحیح ابن حبان ، (موارد) حدیث: 2427، وعمل الیوم واللیلۃ لابن السنی، حدیث: 351۔ حافظ ابن حجر رحمہ اللہ نے فرمایا: یہ حدیث صحیح ہے اور عبدالقادر الارناؤط نے بھی اسے صحیح کہا ہے ۔ دیکھیے: الأذکار للنووی، ص: 106۔