مسنون نماز اور روز مرہ کی دعائیں

ان احادیث سے واضح ہے کہ کسی مسلمان کے لیے جمعہ کے اجتماع (خطبۂ جمعہ اور نماز) سے پیچھے رہنے کی اجازت نہیں ہے ۔ یہ مسلمانوں کی اجتماعیت کے مظاہرے کا دن ہے۔ اسی لیے قرآن کریم میں بھی فرمایا گیا ہے : ﴿ يَا أَيُّهَا الَّذِينَ آمَنُوا إِذَا نُودِيَ لِلصَّلَاةِ مِن يَوْمِ الْجُمُعَةِ فَاسْعَوْا إِلَىٰ ذِكْرِ اللَّـهِ وَذَرُوا الْبَيْعَ ﴾ ’’اے ایمان والو! جب جمعے کے دن نماز کی اذان ہو جائے تو اللہ کے ذکر کی طرف دوڑو اور خرید و فروخت چھوڑ دو ۔ ‘‘[1] گویا جمعے کے دن جمعے کا وقت شروع ہو جانے کے بعد ، جس کا اعلان اذان کے ذریعے کر دیا جاتا ہے ، تجارت اور کاروبار کرنے کی بھی اجازت نہیں ہے ۔ علماء نے کہا ہے کہ اذان جمعہ کے بعد ایک مسلمان جو کچھ کمائے گا ، وہ شرعًا ناجائز ہے کیونکہ وہ ایسے وقت کی کمائی ہے جس میں اس کو کاروبار کرنے سے روک دیا گیا تھا ۔ جمعہ کے ضروری مسائل : ٭ جمعے کے دن نہانا ، صاف ستھرا لباس پہننا ، تیل اور خوشبو لگانا ، گویا ہر ممکن صفائی ستھرائی کا اہتمام کرنا مستحب ہے ۔ بعض علمائے کرام غسل جمعہ کو واجب قرار دیتے ہیں ۔ ٭ جمعے کا اہتمام جس طرح شہروں میں کرنا ضروری ہے ، اسی طرح گاؤں اور دیہات میں بھی ضروری ہے ۔ ٭ جمعے کا خطبہ خاموشی سے سنا جائے ، کسی سے بات چیت نہ کی جائے ، حتی کہ بات چیت

[1] الجمعۃ 9:62۔