مسنون نماز اور روز مرہ کی دعائیں

٭ ہاتھوں کی انگلیاں باہم ملی ہوئی ہوں ، جدا جدا نہ ہوں ۔ ٭ پاؤں کی انگلیوں کے سرے قبلے کی طرف مڑے ہوں ۔ ٭ دونوں ایڑیاں ملا کر رکھی جائیں ۔ ٭ سینہ، پیٹ اور رانیں زمین سے اونچی رکھیں ۔ ٭ اسی طرح کہنیوں کو زمین پر ٹکائیں نہ پہلوؤں سے ملائیں بلکہ زمین سے اونچی اور پہلوؤں سے الگ کشادہ رکھیں ۔[1] یہ سب احکام مرد و عورت دونوں کے لیے یکساں ہیں ۔ عورتیں بھی مردوں ہی کی طرح سجدہ کریں : عورتیں زمین سے چمٹ کر سجدہ نہ کریں ، اس لیے کہ نبی صلی اللہ علیہ وسلم نے فرمایا ہے: ’’تم میں سے کوئی شخص (سجدے میں ) اپنے بازو کتے کی طرح نہ بچھائے۔‘‘[2] اس حکم میں مرد اور عورت دونوں شامل ہیں ۔ عورتوں کا مردوں سے الگ طریقۂ سجدہ کسی صحیح حدیث میں نہیں آیا۔ تفصیل کے لیے دیکھیے، کتاب: ’’کیا عورتو ں کا طریقۂ نماز مردوں سے مختلف ہے؟‘‘ مطبوعہ دار السلام۔

[1] صحیح البخاري، الأذان، باب سنۃ الجلوس فی التشہد،حدیث:828,822,812، وصحیح مسلم، الصلاۃ، باب الاعتدال فی السجود…،حدیث: 493,490، وسنن أبي داود، حدیث: 859,726,734، والمستدرک للحاکم: 227/1، وسنن الدار قطنی: 348/1، والسنن الکبرٰی للبیھقی: 166/2۔ [2] صحیح البخاري، الأذان، باب لا یفترش ذراعیہ فی السجود، حدیث:822۔