مسنون نماز اور روز مرہ کی دعائیں

جماعت کے شوق میں اس طرح کام نہیں کرنا جس کا صدور حضرت ابوبکرہ رضی اللہ عنہ سے ہوا کیونکہ وہ نماز کے آداب و وقار کے خلاف ہے۔ مذکورہ احتمالی استدلال کے مقابلے میں واضح اور صریح نصوص ہیں جن سے قیام اور سورۂ فاتحہ کا وجوب اور ان کے نہ کرنے کی صورت میں نماز کا بُطلان ثابت ہوتا ہے۔ اس سے ہر شخص اندازہ کرسکتا ہے کہ کون سا موقف مضبوط، احوط اور اسلم ہے۔ ﴿ أَيُّ الْفَرِيقَيْنِ أَحَقُّ بِالْأَمْنِ ۖ إِن كُنتُمْ تَعْلَمُونَ ﴾ دوسرا استدلال ان حضرات کا بعض احادیث سے ہے جن میں اس قسم کے الفاظ ہیں جن کا مفہوم یہ ہوسکتا ہے کہ رکوع میں ملنے والے شخص کی رکعت ہوجائے گی۔ یہ احادیث اگر اپنے مفہوم میں واضح اور سنداً صحیح ہوتیں تو واقعی ان سے استدلال صحیح ہوتا اور حدیث ابوبکرہ میں وارد الفاظ ’لَا تَعُدْ‘ کے ایک مفہوم کو متعین کرنے کے لیے مضبوط قرینہ بھی بن جاتیں لیکن واقعہ ایسا نہیں ہے۔ واقعہ یہ ہے کہ اس سلسلے میں جو روایات پیش کی جاتی ہیں ، ان میں سے جو اس موقف پر صراحۃً دلالت کرتی ہیں وہ سنداً صحیح نہیں ہیں اور جو بعض صحیح ہیں ، ان سے استدلال غلط ہے اس لیے کہ وہ اس مفہوم پر دلالت نہیں کرتیں جو ان سے ثابت کرنے کی کوشش کی جاتی ہے۔ تفصیل اور محولہ روایات کی تحقیق کے لیے ملاحظہ ہو مجموعۂ فتاوی وجوابات حافظ عبد المنان صاحب نورپوری، شیخ الحدیث جامعہ محمدیہ گوجرانوالہ حفظہ اللہ تعالیٰ، بنام ’’احکام و مسائل‘‘ جلد اول، صفحات 169-161۔ جلد دوم صفحات 214، 218، 226، 228۔ نیز ملاحظہ ہو۔ ’’فتاوی اہلحدیث‘‘ از محدث روپڑی رحمہ اللہ : 182-56/2۔ ’’فتاوی محمدیہ‘‘ از مفتی عبید اللہ عفیف حفظہ اللہ : 409394/1۔ ’’ہدایۃ السائل الی ادلۃ المسائل‘‘، ص: 186، مطبع شاہجہانی، بھوپال، یہ نواب صدیق حسن