مسنون نماز اور روز مرہ کی دعائیں

بھی صحابۂ کرام نے اس کلمے کو اونچی آواز سے پڑھنے کو معمول نہیں بنایا، اگر ایسا ہوا ہوتا تو اس کی وضاحت احادیث و آثار میں ضرور ہوتی لیکن ایسی کوئی وضاحت ذخیرۂ احادیث میں نہیں ملتی۔ رہی یہ بات کہ رسول اللہ صلی اللہ علیہ وسلم نے اس کی فضیلت بیان فرمائی ہے تو یہ بلاشبہ صحیح ہے لیکن یہ فضیلت اس کلمۂ تحمید کی ہے نہ کہ اونچی آواز سے پڑھنے کی۔ اور صحابۂ کرام نے بھی بجا طور پر یہی سمجھا، اس لیے نہ اس واقعے سے پہلے رسول اللہ صلی اللہ علیہ وسلم اور صحابۂ کرام نے اس کلمے کو اونچی آواز سے پڑھا اور نہ اس کے بعد اس کو بہ آواز بلند پڑھنے کو معمول بنایا۔ مُدْرِکِ رکوع مُدْرِکِ رکعت نہیں اس عنوان کا مطلب یہ ہے کہ جو شخص مسجد میں ایسے وقت میں آیا کہ امام رکوع میں تھا اور حکم یہ ہے کہ امام کو جس حال میں پاؤ، اس کے ساتھ شامل ہوجاؤ اور نماز کا جو حصہ رہ جائے وہ امام کے سلام پھیرنے کے بعد پورا کرلو۔ اب اس فرمانِ نبوی کے مطابق وہ آنے والا شخص رکوع میں شامل ہوگیا تو اس صورت میں اس کی وہ رکعت نہیں ہوگی اور رکوع میں ملنے کے باوجود وہ رکعت اس کو پڑھنی پڑے گی۔ یہ شخص فرمانِ نبوی کے مطابق تکبیر تحریمہ کہہ کر امام کے ساتھ رکوع میں مل گیا اور قیام نہیں کیا اور سورۂ فاتحہ بھی نہیں پڑھی، گویا نماز کے دو رکن اس سے فوت ہوگئے اور اصول ہے کہ اگر نماز کا کوئی رکن ادا کرنے سے رہ جائے تو وہ رکعت شمار نہیں ہوگی، یوں اس کی ایک رکعت رہ گئی۔ اب دوسرا فرمان نبوی ہے کہ جو حصہ رہ جائے اسے پور۱ کرلو، اس فرمان کی رُو سے اس مقتدی کے لیے ضروری ہے کہ وہ رکوع میں ملنے والی رکعت شمار نہ کرے کیونکہ اس سے ایک نہیں ، دو رکن فوت ہوگئے ہیں اور اس رکعت کو امام کے سلام پھیرنے کے بعد پورا کرے، یعنی