مسئلہ تکفیر اور اس کے اصول و ضوابط

لہٰذا ان اعراب کے بارے میں صحیح قول یہ ہے کہ یہ لوگ منافقین نہ تھے بلکہ اللہ اور اس کے رسول کی اطاعت کے باوجود ایمان والے نہ تھے کہ ان کے پاس ایمان کا ایک جزء تھا جس نے ان کو عالم کفر سے نکال کر دائرہ اسلام میں داخل کروایا تھا۔ امام زہری رحمہ اللہ فرماتے ہیں: ’’إن الإسلام الکلمۃ و الإیمان العمل۔‘‘[1] ’’بلاشبہ اسلام کلمہ ہے اور ایمان عمل ہے۔‘‘ امام ابن جریر طبری رحمہ اللہ فرماتے ہیں: ’’فقیل لہم: قولوا أسلمنا، لأن الإسلام قول، و الإیمان قول و عمل۔‘‘[2] ’’ان بدویوں سے کہا گیا تم کہو ہم اسلام لائے اس لیے کہ اسالم قول کا نام ہے اور ایمان قول و عمل کا نام ہے۔‘‘ اس سے معلوم ہوا کہ بسا اوقات اسلام کے ایک جزء کو اختیار کرنے سے بندہ دائرہ اسلام میں آ جاتا ہے اور وہ جزء شہادتین کا اقرار ہے اور باقی شعبوں پر عمل نہ کرنے سے اس کے اسلام میں نقص واقع ہو جاتا ہے بسا اوقات بندے میں اسلام کا ایک جزء ہوتا ہے باقی اجزاء کفر کے بھی ہوتے ہیں تو کفر و اسلام ایک آدمی میں جمع ہو سکتے ہیں اور یہ فیصلہ بعد میں کیا جا سکتا ہے کہ وہ مسلم ہے یا کافر اور غور کیا جائے گا کہ یہ کفر کی انواع میں سے کون سا کفر ہے۔ اکبر ہے یا اصغر ہے۔ اور شیخ الاسلام ابن تیمیہ رحمہ اللہ لکھتے ہیں: ’’فقد یجتمع في الإنسان إیمان و نفاق، و بعض شعب الإیمان و شعبۃ من شعب الکفر، کما في الصحیحین عن النبي صلی اللّٰه علیہ وسلم أنہ قال: ((أربع من کن فیہ کان منافقا خالصا و من کانت فیہ خصلۃ مہن کانت فیہ خصلۃ من النفاق حتی یدعہا: إذا حدث کذب و إذا ائتمن خان و إذا عاہد غدر و إذا خاصم فجر۔)) و في الصحیح عنہ صلی اللّٰه علیہ وسلم أنہ قال: ((من مات و لم یغز و لم یحدث نفسہ بالغزو مات علی شعبۃ نفاق۔))‘‘[3] ’’کبھی ایک انسان میں ایمان اور نفاق جمع ہو جاتے ہیں اور کچھ ایمان کے شعبے اور کفر کے شعبوں

[1] ) تفسیر الطبري: 21/389۔ [2] ) تفسیر الطبري: 21/389۔ [3] ) مجموع الفتاوی لإبن تیمیۃ: 7/520۔