مسئلہ تکفیر اور اس کے اصول و ضوابط

شیخ الاسلام امام ابن تیمیہ رحمہ اللہ فرماتے ہیں: ’’وأما الرؤیۃ فالذی ثبت فی الصحیح عن ابن عباس انہ قال رای محمد ربہ بفؤادہ مرتین وعائشۃ أنکرت الرؤیۃ فمن الناس من جمع بینہما فقال عائشۃ انکرت رؤیۃ العین وابن عباس اثبت رؤیۃ الفؤاد۔‘‘[1] ’’بہر کیف رؤیت باری تعالیٰ صحیح میں جو بات عبداللہ بن عباس رضی اللہ عنہما سے ثابت ہے وہ یہ ہے، انہوں نے کہا کہ محمد صلی اللہ علیہ وسلم نے اپنے رب عزوجل کو دوبارہ دل سے دیکھا ہے اور عائشہ رضی اللہ عنہ نے رؤیت کا انکارکیا ہے۔ بعض لوگوں نے ان کے درمیان تطبیق دی ہے کہ ام المومنین عائشہ رضی اللہ عنہ نے رؤیت عینی کا انکارکیا ہے اورعبداللہ بن عباس رضی اللہ عنہما نے رؤیت قلبی کا اثبات کیا ہے۔‘‘ اس مسئلہ میں مزید تفصیل کے لیے ملاحظہ کیا جا سکتا ہے۔[2] رؤیت باری تعالیٰ کا مسئلہ اعتقاد سے تعلق رکھتا ہے اور اس میں ہمارے اکابرین اسلاف کا اختلاف ہے جیسا کہ مذکورہ بالا مختصر سی بحث سے واضح ہے لیکن اس میں انہوں نے ایک دوسرے کی تکفیر نہیں کی۔ صرف یہی نہیں بلکہ نماز، روزہ، حج اور تحریم فواحش وغیرہ کا منکر یا اس کے وجوب کا منکر کا ٹھہرتا ہے باوجود اس کے کہ یہ عملی مسائل ہیں اور پچھلامسئلہ اصولی مسئلہ تھا لیکن اس میں اختلاف کے باوجود تکفیر نہیں کرتے۔[3] شیخ الاسلام امام ابن تیمیہ رحمہ اللہ فرماتے ہیں: ’’أن المقالۃ تکون کفرا کجحد وجوب الصلاۃ والزکاۃ والصیام والحج وتحلیل الزنا والخمر والمیسر ونکاح ذوات المحارم ثم القائل بہا قد یکون بحیث لم یبلغہ الخطاب وکذا لا یکفر بہ جاحدہ کمن ہو حدیث عہد بالإسلام أو نشأ ببادیۃ بعیدۃ لم تبلغہ شرائع الإسلام فہذالا یحکم بکفرہ بجحد شیء مما أنزل علی الرسول إذا لم یعلم أنہ أنزل علی الرسول۔‘‘ ’’بلاشہ قول کبھی کفریہ ہوتا ہے جیسے نماز، زکاۃ، روزہ اور حج کے وجوب کا انکار، زنا، شراب، جوا

[1] ) مجموع الفتاوی لابن تیمیہ: 6/509۔ [2] ) فتاوی ابن تیمیہ مذکورہ بالا مقام اورمجموعۃ الفتاوی: 3/229،242۔ فتح الباری: 10/639،642۔ شرح صحیح مسلم للنووی: الکشف والبیان للثعلبی: 9/140،142۔ وغیرہم۔ [3] ) # مزید تفصیل کے لیے ملاحظہ کریں۔ مجموع الفتاوی لابن تیمیہ: 3/229 تا 231۔