مسئلہ تکفیر اور اس کے اصول و ضوابط

مقام پر تفصیل سے ذکر کیا ہے۔‘‘ ایک اورمقام پر لکھتے ہیں: ’’أن المتأول الذی قصدہ متابعۃ الرسول لا یکفربل ولا یفسق إذا اجتہد فأخطأ وہذا مشہور عند الناس فی المسائل العملیۃ وأما مسائل العقائد فکثیر من الناس کفر المخطئین فیہا وہذا القول لا یعرف عن أحد من الصحابۃ والتابعین لہم بإحسان ولا عن أحد من أئمۃ المسلمین وإنما ہو فی الأصل من أقوال أہل البدع الذینیبتدعون بدعۃ ویکفرون من خالفہم کالخوارج والمعتزلۃ والجھمیۃ ووقع ذلک فی کثیر من أتباع الأئمۃ کبعض أصحاب مالک والشافعی وأحمد وغیرہم۔‘‘[1] ’’بلاشبہ وہ متاول جو اپنی تاویل سے رسول اللہ صلی اللہ علیہ وسلم کی متابعت کا مقصد رکھتا ہے اس کی تکفیر نہیں کی جائے گی بلکہ اسے فاسق بھی قرارنہیں دیا جائے گاجب وہ اجتہادکرے اور اس میں خطا کر جائے اور یہ بات لوگوں کے ہاں عملی مسائل میں مشہورہے اور رہے وہ مسائل جن کا اعتقاد سے تعلق ہے تو بہت سارے لوگوں نے ان میں خطاکرنے والوں کی تکفیر کی ہے اور یہ ایسا قول ہے جو کسی صحابی یا اچھے طریقے سے ان کے پیچھے آنے والے لوگوں سے معروف نہیں ہے اور نہ ہی مسلمانوں کے ائمہ میں سے کسی سے معروف ہے یہ اصل میں اہل البدع کے اقوال میں سے ہے جو ایک بدعت ایجاد کرتے ہیں اور اپنے مخالفین کو کافر قرار دیتے ہیں جیسا کہ خوارج، معتزلہ اورجہمیہ ہیں اور اس میں آئمہ کی اتباع کرنے والے بہت سارے لوگ واقع ہو چکے ہیں جیسا کہ امام مالک، امام شافعی اور امام احمد وغیرہم کے اصحاب۔‘‘ کیونکہ ممکن ہے کہ کفریہ قول کا قائل اس تک صحیح نصوص نہ پہنچی ہوں اور بعض اوقات ہو سکتا ہے کہ پہنچی ہوں لیکن اس کے نزدیک ثابت نہ ہوں یا پھر وہ درست طور پر ان کو نہ سمجھ سکا ہو یا پھر اس کے پاس شبہات ہوں تو جو شخص حق کی طلب و حرص میں کسی خطاء کا مرتکب ہوتا ہے تو اللہ تعالیٰ غفور رحیم ہے۔ اب وہ مسائل اعتقادی/ نظری ہوں یا فروعی/ عملی اس میں کوئی تخصیص نہیں ہے یہی وہ درست مذہب ہے جس پر آئمہ کرام علیہ السلام اور سلف صالحین علیہ السلام تھے کہ انہوں نے نظری اور عملی مسائل میں کوئی تقسیم نہ کی کہ یہ اصولی مسائل ہیں ان کا منکر کافر اور یہ فروعی مسائل ہیں ان کا منکر کافر نہ ہوگا۔

[1] ) منہاج السنۃ: 5/239۔240۔