مسئلہ تکفیر اور اس کے اصول و ضوابط

قبوں اور بتوں کی عبادت کرتے ہیں جب ان کو تعلیم دینے والا اور حجت شرعی پہچانے والا میسر نہ ہو تو وہ حرمین پر بلاد کفر کا اطلاق کیسے کر سکتے ہیں شیخ رحمہ اللہ نبوی منہج اور جادہ مستقیم پر تھے وہ ہر مقام کو جو اس کے اجمال و تفصیل سے مناسب ہوتا وہی حق دیتے تھے۔‘‘ شیخ عبداللطیف بن حسن آل الشیخ مزید لکھتے ہیں: ’’والشیخ محمد رحمہ اللّٰه علیہ من أعظم الناس توقفًا وإحجامًا عن إطلاق الکفر حتی أنہ لم یجزم بتکفیرہ الجاہل الذی یدعو غیر اللّٰہ من أہل القبور أو غیرہم إذا لم یتیسر لہ من ینصحہ ویبلغہ الحجۃ التي یکفر تارکہا۔‘‘[1] ’’شیخ محمد بن عبدالوہاب کفر کا اطلاق کرنے سے سب لوگوں سے زیادہ توقف کرنے والے اور باز رہنے والے تھے۔ یہاں تک کہ انہوں نے اس جاہل پر بھی تکفیر کا بالجزم حکم نہیں لگایا جو اللہ کے علاوہ قبروں والوں کو پکارتا ہے جب اسے کوئی نصیحت کرنے والا اور وہ حجت پہنچانے والا جس کے ترک پر آدمی کافر ہو جاتا ہے، میسر نہ ہو۔‘‘ ایک اور مقام پر لکھتے ہیں: ’’وشیخنا رحمہ اللّٰه علیہ لم یکفر أحداً ابتداء بمجرد فعلہ وشرکہ بل یتوقف في ذلک حتی یعلم قیام الحجۃ التي یکفر تارکہا وہذا صریح في کلامہ في غیر موضع ورسالۃ في ذلک معروفۃ۔‘‘ [2] ’’اور ہمارے شیخ ابتداء کسی کے محض فعل اور شرک کی وجہ سے اسے کافر قرار نہیں دیتے بلکہ اتنی دیر تک اس میں توقف کرتے ہیں جب تک وہ قیام حجت کو جان نہیں لیتے جس کا تارک کافر ہو جاتا ہے یہ ان کے کلام میں کئی مقامات پر بڑا واضح ہے اور اس میں ان کے رسائل معروف ہیں۔‘‘ ایک جگہ پر لکھتے ہیں: ’’وشیخنا لم یکفر الأمۃ وعلماء ہا حتی صاحب البردۃ، وإنما تکلم فیما دل علیہ کلامہ واقتضاہ نظمہ وخطابہ۔‘‘ [3] ’’اور ہمارے شیخ نے امت اور اس کے علماء کی تکفیر نہیں کی حتیٰ کہ صاحب بردۃ کو بھی کافر نہیں کہا

[1] ) منہاج التاسیس والتقدیس، ص: 98۔99۔ [2] ) مصباح الظلام، ص: 516۔ [3] ) مصباح الظلام، ص: 461۔