مسئلہ تکفیر اور اس کے اصول و ضوابط

’’إذا کان یوم القیامۃ،جمع اللّٰہ تبارک وتعالی نسم الذین ماتوا فی الفترۃ والمعتوہ والأصمّ والأبکم، والشیوخ الذین جاء الإسلام وقد خرفوا، ثم أرسل رسولا أن ادخلوا النار، فیقولون: کیف ولم یأتنا رسول، وایم اللّٰہ لو دخلوہا لکانت علیہم بردا وسلاما، ثم یرسل إلیہم، فیطیعہ من کان یرید أن یطیعہ قبل؛ قال أبوہریرۃ: اقرء وا إن شئتم {وَمَا کُنَّا مُعَذِّبِیْنَ حَتّٰی نَبْعَثَ رَسُوْلًا} (الاسرائ: 15)۔‘‘ [1] ’’جب قیامت والا دن ہو گا اللہ تبارک و تعالیٰ ارواح کوجمع کرے گا۔ وہ لوگ جو زمانہ فترت میں فوت ہو گئے اور فاتر العقل، بہرا، گونگا اور وہ بوڑھے جن کے پاس اسلام اس حالت میں آیا کہ وہ سٹھیا گئے تھے پھر کوئی رسول ان کی طرف بھیجے گا، کہے گا: آگ میں داخل ہو جائو۔ تو وہ کہیں گے ہم آگ میں کیسے داخل ہوں حالانکہ ہمارے پاس کوئی رسول آیا ہی نہیں۔ اللہ کی قسم! اگر وہ اس میں داخل ہو جاتے تو وہ ان پر ٹھنڈی اور سلامتی والی بن جاتی۔ پھر دوبارہ ان کی طرف رسول بھیجے گا جو اس سے پہلے اطاعت کا ارادہ رکھتا ہو گا وہ اطاعت کرے گا۔ ابوہریرۃ رضی اللہ عنہ نے کہا: اگر تم چاہو تو قرآن پڑھ لو: ’’اورہم عذاب دینے والے نہیں ہیں یہاں تک کہ کوئی رسول بھیج دیں۔‘‘ یہ روایت اگرچہ موقوف ہے لیکن ایسی خبر رائے اور قیاس سے نہیں دی جا سکتی لہٰذاحکماًمرفوع ہے اور اوپر ذکر کردہ حدیث کی قوی شاہد ہے۔ واللہ اعلم! امام قتادہ سے مذکورہ آیت کریمہ کی تفسیر یوں مروی ہے: ’’إن اللّیہ تبارک وتعالی لیس یعذب أحداحتی یسبق إلیہ من اللّٰہ خبرا، أو یأتیہ من اللّٰہ بیَّنۃ، ولیس معذّبا أحداإلا بذنبہ۔‘‘[2] ’’بلاشبہ اللہ تعالیٰ کسی کو بھی اتنی دیر تک عذاب نہیں دیتا یہاں تک کہ اس کے پاس اللہ کی طرف سے کوئی خبر یا واضح دلیل نہ آ جائے اور کسی کو اس کے گناہ کے بغیر عذاب نہیں دیتا۔‘‘ امام نووی رحمہ اللہ سورۃ بنی اسرائیل کی آیت نمبر 15 کے نقل کرنے کے بعد لکھتے ہیں: ’’وإذا کان لا یعذب العاقل لکونہ لم تبلغہ الدعوۃ فلأن لا یعذب غیر العاقل

[1] ) جامع البیان للطبری: 14/526،527۔ بتحقیق الدکتور عبداللّٰہ بن عبدالمحسن الترکی، تفسیر عبدالرزاق: (1541)۔ [2] ) تفسیر طبری: 14/526۔