مسئلہ تکفیر اور اس کے اصول و ضوابط

روایات میں آتا ہے کہ قیامت والے دن اللہ تعالیٰ ان کی طرف فرشتے بھیجے گا اور وہ انہیں کہیں گے کہ جہنم میں داخل ہو جائو اگر وہ اللہ کے حکم کو مان کر جہنم میں داخل ہو جائیں گے تو جہنم ان کے لیے گل و گلزار بن جائے گی بصورت دیگر انہیں گھسیٹ کر جہنم میں پھینک دیا جائے گا۔[1] اسود بن سریع سے روایت ہے کہ نبی کریم صلی اللہ علیہ وسلم نے فرمایا: ((أربعۃ یومالقیامۃ رجل أصملا یسمع شیئا ورجل أحمق ورجل ہرم ورجل مات فی فترۃ فأما الأصم فیقول رب لقد جاء الإسلام وما أسمع شیئا وأما الأحمق فیقول رب لقد جاء الإسلام والصبیان یحذفونی بالبعر وأما الہرم فیقول ربی لقد جاء الإسلام وما أعقل شیئا وأما الذی مات فی الفترۃ فیقول رب ما أتانی لک رسول فیأخذ مواثیقہم لیطیعنہ فیرسل إلیہم ان أدخلوا النار قال فوالذی نفس محمد بیدہ لو دخلوہا لکانت علیہم بردا وسلاما۔‘‘[2] ’’قیامت والے دن چار آدمی: 1 ایک بہراجو کچھ بھی سنتا نہیں، 2 پاگل، 3انتہائی بوڑھا، فاتر العقل، 4 اور ایک وہ آدمی جو زمانہ فترت میں مر گیا، بہر کیف بہرا کہے گا: اے میرے پروردگار! یقینا اسلام آیا اور میں کچھ بھی سنتا نہیں تھا اور پاگل کہے گا: اے میرے رب! یقینا اسلام آیا اور بچے مجھے اونٹ کی مینگنیاں مارتے تھے اور فاتر العقل کہے گا: اے میرے رب! یقینا اسلام آیا اور میں کچھ بھی سمجھ نہیں سکتاتھا اور جو زمانہ فترت میں فوت ہو گیا وہ کہے گا: اے میرے رب! میرے پاس تیرا کوئی رسول ہی نہیں، اللہ تعالیٰ ان سے پختہ وعدہ لے گا کہ وہ ضرور اس کی اطاعت کریں گے پھر ان کی طرف فرشتے بھیجے گا اور کہے گا: کہ آگ میں داخل ہو جائو۔ اس ذات کی قسم! جس کے ہاتھ میں محمد صلی اللہ علیہ وسلم کی جان ہے اگر وہ اس میں داخل ہو گئے تو وہ ان پر ٹھنڈی اور سلامتی والی بن جائے گی۔‘‘ معلوم ہوا کہ اللہ تعالیٰ کسی کے ساتھ ظلم نہیں کرے گا، اور حجت تمام ہونے کے بغیر کسی کو عذاب نہیں دے گا۔ مذکورہ بالا روایت کا ایک قوی شاہد ابوہریرۃ رضی اللہ عنہ سے مرقوفا مروی ہے۔ ابوہریرۃ رضی اللہ عنہ نے کہا:

[1] ) ملاحظہ ہو: سورۃ الملک: 8،9۔ الزمر: 71۔ الفاطر: 37۔ [2] ) مسند احمد: (16301) 26/228، (16302) 26/230۔ الاحادیث المختار (1455)، (1456)۔ صحیح ابن حبان: 7357۔ صحیح الجامع الصغیر: (881)۔ سلسلۃ الاحادیث الصحیحۃ: (1434)۔ مجمع الزوائد: 7/216۔ ابن کثیر: 4/123۔ کتاب الاعتقاد للبیہقی، ص: 202۔ وفی نسخۃ: 77۔76۔