مسئلہ تکفیر اور اس کے اصول و ضوابط

امام ابن تیمیہ رحمہ اللہ ایک اور مقام پر رقمطراز ہیں: ’’من کان مؤمنا باللّٰہ ورسولہ مطلقا ولم یبلغہ من العلم ما یبین لہ الصواب فانہ لا یحکم بکفرہ حتی تقوم علیہ الحجۃ التی من خالفہا کفر إذ کثیر من الناس یخطیء فیما یتأولہ من القرآن ویجھل کثیرا مما یرد من معانی الکتاب والسنۃ والخطأ والنسیان مرفوعان عن ہذہ الأمۃ والکفر لا یکون إلا بعد البیان۔‘‘[1] ’’جو شخص مطلق طور پر اللہ اور اس کے رسول صلی اللہ علیہ وسلم پر ایمان رکھتا ہو اور اس کے پاس وہ علم نہیں پہنچا جو اس کے لیے راہِ صواب کو کھول کر واضح کردے، اس پر اتنی دیر تک کفرکا حکم نہیں لگایا جائے گا یہاں تک کہ اس پر وہ حجت قائم ہو جائے جس کی مخالفت کرنے والا کافر ہوتا ہے، جبکہ بہت سارے لوگ قرآن کی تاویل میں خطاکر جاتے ہیں اور کتاب و سنت کے بہت سارے معانی سے جاہل ہوتے ہیں اور خطا و نسیان دونوں اس امت سے اٹھا دیے گئے ہیں اور کفرکا حکم بیان و توضیح کے بعد ہی ہوتا ہے۔‘‘ امام ابن حزم رحمہ اللہ فرماتے ہیں: ’’ولا خلاف في أن امرأ لو أسلم ولم یعلم شرائع الإسلام فاعتقد أن الخمر حلال، وأن لیس علی الإنسان صلاۃ، وہو لم یبلغہ حکم اللّٰہ تعالی لم یکن کافرا بلا خلاف یعتد بہ، حتی إذا قامت علیہ الحجۃ فتمادی حینئذ بإجماع الأمۃ فہو کافر۔‘‘[2] ’’اس بات میں کوئی اختلاف نہیں کہ اگر کوئی شخص اسلام قبول کرے اور اسلام کے مقرر کردہ راستے وہ نہیں جانتاتو اس نے عقیدہ بنا لیا کہ شراب حلال ہے اور انسان کے ذمہ نمازنہیں ہے اور اس کو اللہ تعالیٰ کا حکم نہیں پہنچا وہ کافر نہیں ہو گا اس میں کوئی قابل ذکر اختلاف نہیں ہے یہاں تک کہ اس پر حجت قائم ہو جائے پھر وہ سرکشی کرے تو اجماع امت ہے کہ وہ کافر ہے۔‘‘ ایک اور مقام پر لکھتے ہیں: ’’قال اللّٰہ عزوجل:( لِأُنْذِرَكُمْ بِهِ وَمَنْ بَلَغَ )الانعام: 19) وقال تعالی: {وَمَا کُنَّا مُعَذِّبِیْنَ حَتّٰی نَبْعَثَ رَسُوْلًا} (الاسرائ: 15) فنص تعالی ذلک علی أن النذارۃ لا تـلـزم إلا من بلغتہ لا من لم تبلغہ وأنہ تعالی لا یعذب أحداً حتی

[1] ) مجموع الفتاوی لابن تیمیۃ: 12/523۔524. [2] ) المحلی: 12/135۔ وفی نسخۃ: 11/206.