مسئلہ تکفیر اور اس کے اصول و ضوابط

علامہ محمد امین شنقیطی رحمہ اللہ رقمطراز ہیں: ’’ظاہر ہذہ الآیۃ الکریمۃ: أن اللّٰہ جلَّ وعلا لا یعذب أحدًا من خلقہ لا في الدنیا ولا في الآخرۃ۔ حتی یبعث إلیہ رسولاً ینذرہ ویحذرہ فیعصی ذلک الرسول، ویستمر علی الکفر والمعصیۃ بعد الإنذار والإعذار۔‘‘[1] ’’اس آیت کریمہ کا ظاہری تقاضا یہی ہے کہ اللہ جل وعلا اپنی مخلوق میں سے کسی کو دنیا میں اور نہ ہی آخرت میں عذاب نہیں دیتا یہاں تک کہ اس کی طرف رسول بھیج دے جو اسے ڈرائے اورمتنبہ کرے پھر ڈرانے اور عذر ختم کرنے کے بعد وہ رسول کی نافرمانی کرے اورکفر و معصیت پر قائم و دائم رہے۔‘‘ امام ابن تیمیہ رحمہ اللہ فرماتے ہیں: ’’فتکفیر المعین من ہؤلاء الجھال وأمثالہم بحیث یحکم علیہ بأنہ من الکفارلا یجوز الاقدام علیہ الا بعد ان تقوم علی أحدہم الحجۃ الرسالیۃ التي یتبین بہا أنہم مخالفون للرسل وان کانت ہذہ المقالۃ لا ریب انہا کفر، وہکذا الکلام في تکفیر جمیع ’’المعینین‘‘ مع ان بعض ہذہ البدعۃ أشد من بعض وبعض المبتدعۃ یکون فیہ من الایمان ما لیس في بعض فلیس لأحد أن یکفراحدا من المسلمین وان اخطأ وغلط حتی تقام علیہ الحجۃ وتبین لہ المحبۃ۔‘‘[2] ’’ان جہال اور ان کی مثل لوگوں کی طرف سے کسی معین فرد پر کفر کا حکم لگانا اس اعتبار سے کہ وہ کافروں میں سے جائز نہیں ہے الا یہ کہ ان میں سے ہر کسی پر رسالت کی وہ حجت قائم کی جائے جس سے کھل کر واضح ہو جائے کہ وہ رسولوں کی مخالفت کرنے والے ہیں اگرچہ وہ بات بلا ریب کفریہ ہو۔ اسی طرح تمام معین افراد کا حکم ہے، جبکہ بعض بدعات بعض سے زیادہ سنگین نوعیت کی ہوتی ہیں اور بعض بدعتیوں میں وہ ایمان ہوتا ہے جو بعض میں نہیں ہوتا، کسی کے لیے جائز نہیں کہ وہ مسلمانوں میں سے کسی کی تکفیر کرے اگرچہ وہ خطاکرے یا غلطی کا مرتکب ہو، یہاں تک کہ اس پر حجت قائم کی جائے اور دلیل اس کے لیے کھل کر واضح ہو جائے۔‘‘

[1] ) اضواء البیان فی ایضاح القرآن بالقرآن، ص: 542۔ ط دارلکتب العلمیۃ۔ [2] ) مجموع الفتاوی لابن تیمیۃ: 12/500۔501۔