مسئلہ تکفیر اور اس کے اصول و ضوابط

کرنے اور عذر ختم کرنے کے لیے ہے۔‘‘ امام ابن عادل الدمشقی نے بھی یہی بات اپنی تفسیر اللباب التأویل فی علوم الکتاب: 12/233 ط دارالکتاب العلمیہ بیروت میں اور اسی طرح علامہ علاء الدین علی بن محمد المعروف بابن خازن لباب التأویل فی معانی التنزیل المعروف تفسیر خازن: 3/125 دارالکتب العلمیہ نے لکھا ہے۔ امام ابوالاسحاق الثعلبی رحمہ اللہ لکھتے ہیں: ’’ (وَمَا كُنَّا مُعَذِّبِينَ حَتَّى نَبْعَثَ رَسُولًا) إقامۃ للحجۃ علیہم بالآیات التي تقطع عذرہم۔‘‘[1] ’’اور ہم عذاب دینے والے نہیں ہیں یہاں تک کہ کوئی رسول بھیج دیں۔ ان پر ایسی آیات کے ساتھ حجت قائم کرنے کیلیے جو ان کا عذر ختم کر دیں۔‘‘ نواب صدیق حسن خان قنوجی رحمہ اللہ لکھتے ہیں: ’’إنہ لا یعذب عبادہ إلا بعد الإعذار إلیہم بإرسال رسلہ وإنزال کتبہ فبین سبحانہ إنہ لم یترکہم سدی ولا أخذہم قبل إقامۃ الحجۃ علیہم۔‘‘[2] ’’اللہ تعالیٰ اپنے بندوں کو عذاب نہیں دیتا مگر اپنے رسولوں کو بھیج کر اور کتب نازل کرکے ان کے عذر ختم کرنے کے بعد، تو اللہ سبحانہ و تعالیٰ نے کھول کر واضح کر دیا کہ اس نے انہیں بے کار نہیں چھوڑا اورنہ ہی حجت قائم کرنے سے پہلے ان کی پکڑکرے گا۔‘‘ علامہ محمد طاہر ابن عاشورہ رحمہ اللہ لکھتے ہیں: ’’ودلت الآیۃ علی أن اللّٰہ لا یؤاخذ الناس إلا بعد أن یرشدہم رحمۃ منہ لہم وہي دلیل بین علی انتفاء مؤاخذۃ أحد ما لم تبلغہ دعوۃ رسول من اللّٰہ إلی قوم۔‘‘[3] ’’یہ آیت کریمہ اس بات کی دلیل ہے کہ اللہ تعالیٰ لوگوں کی رہنمائی کرنے کے بعد ہی مؤخذہ کرتا ہے یہ اس کی طرف سے انسانوں کے حق میں رحمت ہے اس کی کھلی دلیل ہے کہ جب تک کسی قوم کے پاس اللہ کے کسی رسول کی دعوت نہیں پہنچتی تو وہ اس کا مؤاخذہ نہیں ہے۔‘‘

[1] ) الکشف والبیان: 6/90۔ ط دار احیاء التراث العربی۔ [2] ) فتح البیان فی مقاصد القرآن: 4/113۔ ط دارالکتب العلمیۃ۔ [3] ) التحریر والتنویر: 14/43۔ ط مؤسسۃ التاریخ العربی بیروت۔