مسئلہ تکفیر اور اس کے اصول و ضوابط

لخطرہ العظیم۔‘‘[1] ’’لوگوں پر واجب ہے کہ وہ تکفیر مسلم سے اجتناب و فرار اختیارکریں اور اس کو اپنے علماء پر چھوڑ دیں اس لیے کہ تکفیر ایک بہت بڑاخطرناک مرحلہ ہے۔‘‘ امام ابن حبان مسئلہ تکفیر پر احادیث بیان کرتے ہوئے ان پر جو باب باندھتے ہیں وہ بھی بڑا قابل توجہ ہے یعنی ’’ذکر البیان بأن من أکفر إنسانا فہو کافرلا محالۃ‘‘ جو کسی مسلمان انسان کو کافر قرار دیتا ہے وہ لا محالہ کافرہو جاتا ہے اس کی تائید مسند احمد کی ایک مرفوع حدیث سے ہوتی ہے جسے عبداللہ بن عمر رضی اللہ عنہما نے روایت کیا ہے۔[2] ’’عن ابن عمر قال قال رسول اللّٰہ صلی اللّٰه علیہ وسلم : أیما رجل کفر رجلا فأحدہما کافر۔‘‘[3] ’’جس بھی شخص نے کسی شخص کو کافر قرار دیا تو ان دونوں میں سے ایک کافرہے۔‘‘ مسند احمد کے محققین نے اسے شیخین کی شرط پر صحیح کہا ہے۔ کیونکہ فتوی یا فیصلہ اور حکم لگانا کوئی آسان کام نہیں کہ ہر شخص تو درکنارہر عالم دین بھی اس پر فائز ہو۔ اس کی واضح مثالیں ہمیں صحابہ کرامf کے عہد مبارکہ میں نظر آتی ہیں۔ ایک آدمی سفر میں تھا تواس کی عورت کے ہاں بچہ پیدا ہو گیا اور عورت کا دودھ رک گیا تو وہ شخص اسے چوسنے لگا تو دودھ اس کے حلق میں داخل ہو گیا وہ ابو موسیٰ اشعری کے پاس آیا توانہوں نے کہا وہ تم پر حرام ہو گئی ہے۔ پھر وہ عبداللہ بن مسعود رضی اللہ عنہ کے پاس آیا ان سے مسئلہ پوچھا تو ابو موسیٰ سے کہنے لگے آدمی کو جو فتوی دے رہے ہو اس پر غور کرو ابو موسی کہنے لگے: آپ کیا کہتے ہیں تو عبداللہ بن مسعود نے فرمایا: رضاعت صرف وہ ہے جو دو سالوں میں ہو تو ابو موسیٰ نے کہا: ’’لا تسألوني عن شيء ما دام ہذا الحبر بین أظہرکم۔‘‘[4] ’’جب تک عبداللہ بن مسعود جیسا عالم تمہارے اندر موجود ہو مجھ سے کوئی مسئلہ نہ پوچھو۔‘‘ اور خلافت راشدہ کے وقت کتنے صحابہ کرام اس مسند پر فائز تھے، صرف چند باوجود اس امر کے ان سب

[1] ) الموسوعۃ الفقہیۃ الکویتیۃ: 13/228۔ [2] ) صحیح ابن حبان: 1/483۔ [3] ) مسند احمد 9/200 (5260) إسنادہ صحیح علی شرط الشیخین ۔ مؤسسۃ الرسالۃ۔ [4] ) مؤطا کتاب الرضاع (14)۔ مسند احمد 7/185،186(4114) ۔ إرواء الغلیل: 7/223،224۔ کتاب الأم للشافعی: 5/29۔ السنن الکبری للبیہقی: 7/462۔ معرفۃ السنن والآثار: 6/95 (4735)۔ سنن سعید بن منصور: 242/1 (975)۔ عبدالرزاق: 6/463 (13895) یہ روایت موقوفاً صحیح ہے۔