مسئلہ رؤیتِ ہلال اور 12 اسلامی مہینے

’فَکَتَبَ إِلَیْہِ عُبَیْدُ اللّٰہِ (ابْنُ زِیَادٍ) لَا أَقْبَلُ مِنْہُ حَتّٰی یَضَعَ یَدَہٗ فِي یَدِي‘ حضرت حسین رضی اللہ عنہ اس کے لیے تیار نہ ہوئے اور ان کی طبع خود دار نے یہ گوارا نہ کیا، چنانچہ اس شرط کو مسترد کر دیا جس پر لڑائی چھڑ گئی اور آپ کی مظلومانہ شہادت کا یہ حادثۂ فا جعہ پیش آگیا۔[1] ’فَإِنَّا لِلّٰہِ وَإِنَّا إِلَیْہِ رَاجِعُونَ۔ فَامْتَنَعَ الْحُسَیْنُ فَقَاتَلُوہُ… ثُمَّ کَانَ آخِرُ ذٰلِکَ أَنْ قُتِلَ رَضِيَ اللّٰہُ عَنْہُ وَأَرْضَاہُ۔‘ اس روایت کے مذکورہ الفاظ جس میں حضرت حسین رضی اللہ عنہ نے بیعتِ یزید پر رضامندی کا اظہار فرمایا ’’الإصابۃ‘‘کے علاوہ تھذیب التھذیب (353-328/2)، تاریخ الطبري: 293/4، تہذیب تاریخ ابن عساکر (337-325/4)، البدایۃ والنھایۃ (175-170/8)، الکامل لابن الأثیر (283/3) اور دیگر کئی کتابوں میں موجود ہیں۔ حتی کہ شیعی کتابوں میں بھی ہیں۔ان کے دوسرے الفاظ بھی ہیں، تاہم نتیجے میں کوئی خاص فرق نہیں پڑتا۔ ان تاریخی شواہد سے معلوم ہوا کہ اگر یہ کفر و اسلام کا معرکہ ہوتا تو کوفے کے قریب پہنچ کر جب آپ کو مسلم بن عقیل کی مظلومانہ شہادت کی خبر ملی تھی۔آپ واپسی کا عزم ظاہر نہ فرماتے۔ پھر ان شرائطِ مصالحت سے، جو حضرت حسین رضی اللہ عنہ نے عمر بن سعد کے سامنے رکھیں، یہ بات بالکل نمایاں ہو جاتی ہے کہ آپ کے ذہن میں کچھ تحفظات تھے بھی تو آپ ان

[1] الإصابۃ: 71/2، وتاریخ الطبري: 293/4۔