مسئلہ رؤیتِ ہلال اور 12 اسلامی مہینے

کے حق میں مغرب کا سبب متحقق نہیں ہوا ہے۔‘‘ نیز اسی کے حاشیہ پر علامہ طحطاوی رحمۃ اللہ علیہ فرماتے ہیں: ’وَہُوَ الْأَشْبَہُ لِأَنَّ انْفِصَالَ الْہِلَالِ مِنْ شُعَاعِ الشَّمْسِ یَخْتَلِفُ بِاخْتِلَافِ الْأَقْطَارِ کَمَا فِي دُخُولِ الْوَقْتِ وَ خُرُوجِہِ، وَہٰذَا مُثْبِتٌ فِي عِلْمِ الْأَفْلَاکِ وَالْھَیْئَاۃِ وَأَقَلُّ مَااخْتَلَفَ الْمَطَالِعُ مَسِیرَۃُ شَہْرٍ کَمَا فِي الْجَوَاہِرِ‘ ’’یہی رائے زیادہ صحیح ہے، اس لیے کہ چاند کا سورج کی کرنوں سے خالی ہونا علاقوں کے بدلنے سے بدلتا رہتا ہے جیسا کہ اوقات (نماز) کی آمدورفت میں۔ اور یہ فلکیات اور علم ہئیت کے مطابق ایک ثابت شدہ حقیقت ہے، نیز کم سے کم جس سے اختلافِ مطالع واقع ہوتا ہے، وہ ایک ماہ کی مسافت ہے جیسا کہ ’’جواہر‘‘ نامی کتاب میں ہے۔‘‘ فتاویٰ تاتارخانیہ میں ہے: ’أَہْلُ بَلْدَۃٍ إِذَا رَأَوُا الْْہِلَالَ ہَلْ یَلْزَمُ فِي حَقِّ کُلِّ بَلْدَۃٍ؟ اُخْتُلِفَ فِیہِ فَمِنْہُمْ مَنْ قَالَ لَا یَلْزَمُ… وَ فِي الْقُدُورِيِّ إِنْ کَانَ بَیْنَ الْبَلْدَتَیْنِ تَفاوُتٌ لَا یَخْتَلِفُ بِہِ الْمَطَالِعُ، یَلْزَمُہُ‘ ’’ایک شہر والے جب چاند دیکھ لیں تو کیا تمام شہر والوں کے حق میں رؤیت لازم ہوجائے گی؟ اس میں اختلاف ہے۔ بعض لوگوں کی رائے ہے: لازم نہیں ہوگی… اور قدوری میں ہے کہ اگر دو شہروں کے درمیان ایسا تفاوت ہو کہ مطلع تبدیل نہ ہوتا ہو تو اس صورت میں رؤیت لازم ہوگی۔‘‘