مقالات توحید

پوجتے ہیں کہ یہ ہم کو اللہ کے قریب پہنچا دیں ۔‘‘ نیزاللہ تعالیٰ فرماتے ہیں : ﴿اَمْ اتَّخَذُوْا مِنْ دُوْنِہٖ اَوْلِیَآئَ فَاللّٰہُ ہُوَ الْوَلِیُّ وَہُوَ یُحْیِ المَوْتٰی وَہُوَ عَلٰی کُلِّ شَیْئٍ قَدِیْرٌ ﴾ [الشوری9]۔ ’’کیا انہوں نے اللہ تعالیٰ کے سوا اور کارساز بنا لیے ہیں (حقیقتاً تو)اللہ تعالیٰ ہی کارساز ہے وہی مردوں کو زندہ کریگا اور وہی ہرچیز کا قادر ہے ۔‘‘ اللہ تعالیٰ نے مسلمانوں کو مشرکین کے اعمال بجالانے اور ان کی مشابہت اختیار کرنے اور ان کے نقش قدم پر چلنے سے منع کیا ہے ۔ اللہ تعالیٰ فرماتے ہیں : ﴿قُلْ اِنِّیْ نُہِیْتُ اَنْ اَعْبُدَ الَّذِیْنَ تَدَعُوْنَ مِنْ دُوْنِ اللّٰہِ قُلْ لَّآ اَتَّبِعُ اَھْوَآئَکُمْ قَدْ ضَلَلْتُ اِذًا وَّ مَآ اَنَا مِنَ الْمُھْتَدِیْنَ ﴾ [ا لانعام56] ’’فرما دیجئے: مجھے منع کیا گیا ہے کہ ان کی عبادت کروں جن کو تم لوگ اللہ تعالیٰ کو چھوڑ کر پکارتے ہو۔آپ فرمادیں : میں تمہاری خواہشات کی پیروی نہ کرونگا کیونکہ اس طرحمیں توگم راہ ہو جاؤنگا اور ہدایت یافتہ میں سے نہ رہوں گا ۔‘‘ ان لوگوں میں خرابی یہ تھی کہ یہ اپنی طرف سے معبودان باطلہ بنا کر انہیں شفیع اور سفارشی کانام دیتے تھے۔واضح اور روشن آیات آجانے کے بعد کسی طرح بھی مناسب نہیں کہ حدود الٰہی سے تجاوز کرتے ہوئے اپنی طرف سے سفارشی اور کارساز مقرر کرکے انہیں معبودبنا لیا جائے ۔ فرمان الٰہی ہے: ﴿قُلْ اِنِّی نُہِیتُ اَنْ اَعْبُدَ الَّذِیْنَ تَدْعُوْنَ مِنْ دُوْنِ اللّٰہِ لَمَّا جَائَنِی الْبَیِّنَاتُ مِنْ رَّبِّی وَاُمِرْتُ اَنْ اُسْلِمَ لِرَبِّ الْعٰلَمِیْنَ﴾ [غافر66] ’’آپ فرما دیجئے: مجھے ان کی عبادت سے منع کیا گیا ہے جنہیں تم اللہ کے سوا پکار رہے ہو اس بنا پر کہ میرے پاس میرے رب کی دلیلیں پہنچ چکی ہیں ، مجھے یہ حکم دیا گیا ہے کہ میں تمام جہانوں کے رب کا تابع فرمان ہو جاؤں ۔‘‘