مقالات توحید

پہلا مقالہ : اسلام؛ ایمان اور احسان اِنَّ الْحَمْدَ لِلّٰہِ، نَحْمَدُہٗ وَ نَسْتَعِیْنُہٗ وَ نَسْتَغْفِرُہٗ، وَنَعُوْذُ بِاللّٰہِ مِنْ شُرُوْرِ أَنْفُسِنَا وَسَیِّئَاتِ أَعْمَالِنَا، مَنْ یَّھْدِہٖ اللّٰہُ فَلَامُضِلَّ لَہٗ، وَمَنْ یُّضْلِلْ فَلا ہَادِيَ لَہٗ، وَأَشْہَدُ أَنْ لَّااِلٰہَ اِلَّا اللّٰہُ وَحْدَہٗ لَا شَرِیْکَ لَہٗ،وَأَشْہَدُ أَنَّ مُحَمَّداً عَبْدُہٗ وَرَسُولُہٗ۔أَمَّا بَعْدُ : اللہ تعالیٰ فرماتے ہیں : ﴿وَ مَنْ یَّبْتَغِ غَیْرَ الْاِسْلَامِ دِیْنًا فَلَنْ یُّقْبَلَ مِنْہُ وَ ہُوَ فِی الْاٰخِرَۃِ مِنَ الْخٰسِرِیْنَ﴾ [آل عمران ۸۵] ’’اور جو اسلام کے علاوہ کوئی اور دین تلاش کرے تو وہ اس سے ہر گز قبول نہ کیا جائے گا اور وہ آخرت میں خسارہ اٹھانے والوں سے ہوگا۔‘‘ امیر المؤمنین حضرت عمر فاروق رضی اللہ عنہ کا فرمان ہے کہ: ’’ ایک دِن ہم لوگ رسول اللہ صلی اللہ علیہ وسلم کی بارگاہ میں حاضر تھے کہ ایک شخص آیا ، جِس کے کپڑے بہت ہی زیادہ سفید تھے اور بال بہت ہی زیادہ کالے ، اور اس پر سفر کے کوئی آثار دِکھائی نہ دیتے تھے ، اور ہم میں سے کوئی بھی اسے نہیں جانتا تھا (کہ وہ کون ہے)۔ وہ شخص (انتہائے ادب کا مظاہرہ کرتے ہوئے)رسول اللہ صلی اللہ علیہ وسلم کے بہت قریب پہنچ کرآپ صلی اللہ علیہ وسلم کے سامنے دوزانو ں ہو کر بیٹھ گیا، اپنے گھٹنے ان کے مبارک گھٹنوں کے ساتھ جوڑ دیے اور اپنے دونوں ہاتھ ان کی مبارک رانوں پر رکھ دیے اور عرض گزار ہوئے: ((یَا مُحَمَّدُ صلی اللّٰہ علیہ وسلم ! أَخْبِرْنِيِْ عَنِ الإِسْلَامِ ؟))