مقالات محدث مبارکپوری

اس کا جواب یہ ہے کہ یہ حدیث غایت درجہ کی ضعیف ہے ۔جو قابلِ احتجاج نہیں ۔ اقول : موجبین جمعہ علی اہلِ القریٰ وغیرہم اس روایت کو احتجاجاً پیش نہیں کرتے ،بلکہ استشہاداً تائیداً۔ قال: (۳) اہلِ سیر نے لکھا ہے کہ جمعہ کے روز آپ صلی اللہ علیہ وسلم نے قبا سے کوچ کیا۔ اور محلہ بنی سالم میں جو ایک قریہ ہے مابین قبا اور مدینہ کے وہاں کی مسجد عاتکہ میں آپ صلی اللہ علیہ وسلم نے نمازِ جمعہ ادا فرمائی۔ اس کا جواب یہ ہے کہ یہ روایت ضعیف ہے۔ کیونکہ بخاری کی ایک روایت میں ہے کہ بروز دو شنبہ آپ صلی اللہ علیہ وسلم مکہ سے قبا میں پہنچے ۔ اور بخاری کی ایک دوسری روایت میں ہے کہ وہاں چودہ شب قیام کیا۔ پس کسی طرح جمعہ چودھواں روز نہیں ہوتا۔ اقول: اولا اگر آپ کے نزدیک یہ روایت ضعیف ہے تو آپ کی پہلی دلیل واہی اور بے کار ہوئی جاتی ہے ۔کیونکہ پہلی دلیل کی بنیاد اسی روایت پر ہے کمامر۔ ثانیاً: بخاری کی ایک روایت میں ہے۔ بضع عشرۃ لیلۃ یعنی دس رات سے کچھ اوپر آپ صلی اللہ علیہ وسلم نے قبا میں قیام کیا۔ اور بخاری کی ایک اور روایت میں ہے۔ بضع وعشرو ن لیلۃ یعنی قبا میںآپ نے چو بیس رات قیام کیا ۔پس اگر چودہ شب والی روایت سے بنی سالم میں جمعہ پڑھنے کی روایت کا ضعف ثابت ہوتا ہے۔ تو بخاری کی بضع عشرۃ والی روایت اور بخاری اربع وعشرون لیلۃ والی روایت سے تو بنی سالم میں جمعہ پڑھنے کی روایت کی تصدیق وتصحیح ہوتی ہے۔ بضع عشرۃ لیلۃ۔ والی روایت پر آپ صلی اللہ علیہ وسلم نے قبا میں گیارہ روز قیام کیا۔ اور بارھویں روز جمعہ کو قبا سے مدینہ کو روانہ ہوئے۔ اور اربع وعشرون لیلۃ والی روایت پر آپ صلی اللہ علیہ وسلم نے کامل چوبیس روز قبا میں ٹھہرے اور پچیسویں روز جمعہ کو قبا سے مدینہ کو روانہ ہوئے ۔ دیکھو بخاری کی ان دونوں روائیوں پر قبا سے روانگی کا روزہ جمعہ پڑتا ہے اور ایک روایت میں آیا ہے کہ قبا میں دوشنبہ کے روز پہنچے ۔ اور سہ شنبہ ، چہار شنبہ، پنج شنبہ تین روز قیام کر کے جمعہ کو روانہ ہوئے۔ اسی روایت کو اکثر اہلِ سیر نے اختیار کیا ہے اور