مجموعہ رسائل عقیدہ(جلد3)

حوا نے اپنے بیٹے کا نام عبد الحارث رکھا تھا اور یہ شیطان کی وحی تھی۔[1] یہ شرک کے مقامات و مواضع ہے، جس سے شارع نے منع کیا ہے۔ اللہ تعالیٰ کی صفات پر ایمان: جس طرح اللہ تعالیٰ پر ایمان لانا واجب ہے، اسی طرح اس کی صفات پر ایمان لانا فرض ہے۔ یعنی انسان اس بات کا معتقد ہو کہ اللہ تعالیٰ صفات علیا کے ساتھ متصف ہے۔ اس سے اللہ تعالیٰ اور بندے کے درمیان ایک دروازہ کھل جاتا ہے اور اللہ تعالیٰ کی بزرگی اور کبریائی کا انکشاف ہوتا ہے۔ سارے آسمانی مذاہب کا صفات کے بیان اور ان عبارات کے استعمال پر جس طرح وہ وارد ہوئی ہیں اور اس بات پرکہ ان میں زیادہ بحث نہ کریں، اجماع ہے اور خیر القرون اسی پر گزری ہیں۔ پھر مسلمانوں کے ایک گروہ نے ان سے متعلق بحث کی اور کسی نص اور قطعی دلیل کے بغیر ان کے معانی کی تحقیق میں لگ گئے۔ رسول اللہ صلی اللہ علیہ وسلم نے فرمایا ہے: تم مخلوق میں غور وفکر کرو نہ کہ خالق میں۔[2] اور اس آیت: ﴿وَاَنَّ اِِلٰی رَبِّکَ الْمُنْتَھٰی﴾[النجم: ۴۲] [اور یہ کہ بے شک تیرے رب ہی کی طرف آخر پہنچنا ہے] کے بارے میں فرمایا کہ رب تعالیٰ کے متعلق کوئی غور وفکر نہ کرنا چاہیے۔ پس اللہ تعالیٰ کی صفات مخلوقات اور محدثات نہیں ہیں اور ان کے متعلق اسی قدر غور فکر کرنے کی گنجایش ہے کہ ان صفات کے ساتھ حق تعالیٰ کس طرح متصف ہوا ہے اور خالق کے متعلق گویا یہی تفکر ہے۔ امام ترمذی رحمہ اللہ نے حدیث: (( یَدُ اللّٰہِ مَلْأَی )) [3] کے بارے میں فرمایا ہے:

[1] مسند أحمد (۵/۱۱) اس کی سند میں موجود راوی ’’عمر بن ابراہیم البصری‘‘ کے متعلق امام ابو حاتم رازی رحمہ اللہ فرماتے ہیں: ’’لا یحتج بہ‘‘ ’’وہ قابل حجت نہیں‘‘۔ پھر جیسے کہ دوسری سند سے ثابت ہے کہ یہ روایت سمرہ بن جندب پر موقوف ہے مرفوع نہیں ہے، علاوہ ازیں اس کی سند میں حسن بصری رحمہ اللہ مدلس ہیں اور عن سے روایت کرتے ہیں۔ نیز حسن بصری رحمہ اللہ نے اس آیت کی تفسیر مذکورہ تفسیر کے خلاف کی ہے۔ (تفسیر ابن کثیر: ۴/۲۷۴) اگر ان کے ہاں مذکورہ روایت مرفوع ہوتی تو وہ اسے کبھی نہ چھوڑتے۔ لہٰذا ثابت ہوا کہ مسند احمد اور سنن الترمذی کی مذکورہ روایت پایہ ثبوت کو نہیں پہنچتی۔ [2] العظمۃ لأبي الشیخ (۵) یہ روایت مرسل ہے۔ دیکھیں: الزھد لھناد بن السري (۹۳۹) ضعیف الجامع (۲۴۷۰) [3] صحیح البخاري، رقم الحدیث (۶۹۷۶) صحیح مسلم، رقم الحدیث (۹۹۳)