مجموعہ مقالات و فتایٰ علامہ شمس الحق عظیم آبادی

ہندوستان میں نواب صدیق حسن خان، سید نذیر حسین اور ان کے تلامذہ، مصر میں احمد محمد شاکر، محب ا لدین خطیب،سید رشید رضا اور محمد حامدالفقی، شام میں طاہر الجزائری،جمال الدین القاسمی، محمد راغب الطباخ اور محمدبہجہ البیطار، عراق میں محمد بہجہ الاثری، سعودی عرب میں محمد عبدالرزاق حمزۃ، محمد نصیف، عبد الر حمن المعلمی اور ابن با ز وغیرہ۔ مراکش میں محمد العربی، تقی الدین الہلالی اور ان کے تلامذہ ۔ الجزائر میں عبدالحمید بن بادیس اور اس وقت اردن میں مقیم محمد ناصر الدین البانی سلفی فکر کے اساطین میں شمار کیے جاتے ہیں ۔ ان علما کی کوششوں سے عصر حاضر میں سلفی رجحان کو بڑا فروغ ہوا اور اس کا اثر تمام مکاتبِ فکر پر پڑا ہے۔ اس کی ایک نمایاں مثال یہ ہے کہ اب مصر، شام، کویت اور سعودی عرب میں فقہی مسائل پر غور کرنے کے لیے کمیٹیاں بنی ہیں ، جو مختلف مکاتبِ فکر کے علما پر مشتمل ہیں ۔ وہاں مسائل پر غور و خوض کے وقت تمام ائمہ سلف کی آرا سے استفادہ کیا جاتا ہے اور دلائل کی روشنی میں راجح قول کے مطابق فتویٰ دیا جاتا ہے۔ آج ہمیں کسی ایک مسلک کی تقلید کے بجائے مسائل کے حل کے لیے یہی طریقہ اختیار کرنا پڑے گا۔[1] [۳] بر صغیر ہند و پاک میں فتاویٰ کے جو مجموعے تیار ہوئے، ان میں سے اکثر حنفی علما کے تالیف کردہ ہیں ۔[2] جنوبی ہند میں کچھ شافعی علما نے بھی اس فن پر کتابیں لکھی ہیں ۔[3] گذشتہ دو صدیوں میں اہل حدیث علما نے بھی فتاویٰ کے مجموعے شائع کیے۔[4] ان تمام کتابوں پر تبصرہ یہاں مقصود نہیں ، کیونکہ

[1] عصر حاضر میں عرب علماء نے فتاویٰ کے بہت سے مجموعے مرتب کیے ہیں ، جن کا جائزہ ان شاء اللہ کسی دوسری فرصت میں لیا جا ئے گا۔ ان میں چار علماے حر مین کے فتاویٰ ’’قرۃ العین‘‘ (قاہرہ ۱۹۳۷ ء)، علماے نجد کے فتاویٰ ورسائل ’’مجموعۃ الرسائل و المسائل النجدیۃ‘‘ (طبع قاہرہ)، شیخ الازہر محمود شلتوت کے ’’فتاویٰ‘‘ (قاہرہ ۱۹۵۹ء)، یوسف القرضاوی کی ’’ھدي الإسلام: فتاویٰ معاصرۃ‘‘ (قاہرہ ۱۹۸۱ء)، احمد الشرباصی کی ’’یسألونک‘‘ ۴ جلدیں (بیروت ۱۹۷۷ء) ، عبد اﷲ القلقیلی مفتیِ اردن کے ’’الفتاوی الأردنیۃ‘‘ (دمشق ۱۹۶۹ء) مشہور ہیں ۔ [ع، ش] [2] دیکھئے: ’’الثقافۃ الإسلامیۃ في الھند‘‘ (ص: ۱۰۸۔ ۱۱۱) [ع، ش] [3] ان کا ذکر محمد یوسف کو کن عمری نے اپنی کتاب Arabic and Persian in Caranatica کے مختلف صفحات میں کیا ہے۔ [ع، ش] [4] دیکھئے: ’’ہندوستان میں اہلحدیث کی علمی خدمات‘‘ (ابو یحییٰ امام خاں نوشہروی)، اور مقدمہ ’’فتاویٰ علماے حدیث‘‘ جلد اول (ابو الحسنات علی محمد سعیدی) [ع، ش]