مجموعہ مقالات و فتایٰ علامہ شمس الحق عظیم آبادی

تو جائز ہے اور قاضی کو چاہئے کہ وہ اسے ضرر اور تکلیف سے نجات دلائے۔ یہ طریقہ اس صورت میں اختیار کرے گی جبکہ اسے اس کے مفقود الخبرشوہر نے نان و نفقہ دے رکھا ہو اور اسے اس لحاظ سے تو پریشانی نہ ہو، مگر بغیر شوہر کے رہنا اس کے لیے دشوار ہو اور اگر ایسی ضرورت پیش آئے کہ نان و نفقہ کے لیے اس کے پا س کچھ نہ ہو تب تو یہی ایک وجہ نکاح فسخ کرانے کے لیے کافی ہے ۔ خواہ شوہر موجود ہو یا مفقود الخبر۔ مختلف آیا ت ا ور احادیث سے اس کی تائید ہوتی ہے۔ ان میں سے ایک حدیث: ’’اسلام میں ضرر و تکلیف خود سہنا ہے نہ دوسرے کو پہنچانا۔‘‘[1] مشہورہے، جوحضرت ابن عباس، عبادۃ بن صامت، ابو سعید خدری، ابوہریرہ، ابولبابہ، ثعلبہ بن مالک، جابر، عائشہ رضی اللہ عنہم سے مروی ہے۔[2]

[1] مسند أحمد (۱/ ۳۱۳) [2] اس کے بعد مولانا نے ہر ایک کی حدیث نقل کرنے کے بعد اس کی تحقیق کی ہے۔ خالص فنی بحث ہونے کی وجہ سے یہاں اس کا ترجمہ کرنا عام قارئین کے لیے زیادہ مفید نہیں معلوم ہوتا۔ اہل علم اصل ماخذ کی طرف رجوع کر سکتے ہیں ۔ [ع، ش[