مجموعہ مقالات اصول السنۃ

قرآن حکیم اللہ تعالیٰ کا کلام ہے سیدنا جابر رضی اللہ عنہ سے روایت ہے کہ رسول اللہ صلی اللہ علیہ وسلم ایام حج میں مختلف قبائل کے پاس تشریف لے جاتے اور ان کو مخاطب کرکے فرماتے کہ کیا کوئی شخص اپنے قبیلہ کے پاس مجھے لے چلے گا کہ میں اسلام کی تبلیغ کر سکوں ،قریش نے تو میرے رب کے کلام کی تبلیغ سے مجھے روک دیا ہے۔(۹) سیدنا جبیر بن نفیر رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا : ’’ تمہاے رب تک پہنچنے کا بہترین ذریعہ وہی چیز ہے جو اس سے نکلی ہے،یعنی قرآن ۔‘‘(۱۰) سیدنا ابن مسعود رضی اللہ عنہ کا فرمان ہے کہ قرآن کو الگ لکھا کرو ،اس میں کلام اللہ کے علاوہ کچھ نہ لکھو۔(۱۱) سیدنا عمر بن خطاب رضی اللہ عنہ نے فرمایا کہ یہ قرآن کلام اللہ ہے ،اسے اپنے مقام پر رکھو۔(۱۲) ایک شخص نے حسن بصری رحمہ اللہ سے کہا کہ اے ابوسعید !جس وقت میں اللہ کی کتاب پڑھتا ہوں اور اس میں غور کرتا ہوں ،پھر اپنے عمل پر نظر کرتا ہوں تومیری تمام امیدیں منقطع معلوم ہونے لگتی ہیں ۔یہ سن کر امام حسن بصری نے فرمایا کہ قرآن اللہ کا کلام ہے ،بنی آدم کے اعمال دن بدن کم اور ضعیف .............................................................................. (۹)سنن الترمذی :مستدرک حاکم: (۲/۶۶۹) (۱۰)سنن الترمذی :مستدرک حاکم : (۲/۴۷۹ وقال الحاکم:صحیح الاسناد (۱۱)تفسیر قرطبی : (۱/۲۳)،سیر اعلام النبلاء : (۱۱ /۲۸۴) (۱۲)سیر اعلام النبلاء: (۱۱/۲۸۴)