مجموعہ علوم القرآن

((یُقَالُ لِصَاحِبِ الْقُرْآنِ: اِقْرأْ وَارْتَقِ،وَرَتِّلِ کَمَا کُنْتَ تُرَتِّلُ فِيْ الدُّنْیَا،فَإِنَّ مَنْزِلَکَ عِنْدَ آخِرِ آیَۃٍ تَقْرَأُھَا)) [1] (رواہ أحمد والترمذي وأبوداؤد والنسائي) [صاحبِ (حامل و عاملِ) قرآن سے کہا جائے گا: پڑھتا جا اور چڑھتا جا اور ویسے ہی ترتیل سے پڑھ جیسے تو دنیا میں ترتیل کے ساتھ پڑھا کرتا تھا اور جہاں تو آخری آیت پڑھے گا،وہیں تیری منزل ہو گی] پہلے یہ بات گزر چکی ہے کہ مشہور قول کے مطابق قرآن مجید کی کل چھے ہزار چھے سو چھیاسٹھ (۶۶۶۶) آیات ہیں۔اس جگہ سے قاری کے درجات کی بلندی کو آیات کی تعداد کے ساتھ قیاس کر لینا چاہیے۔وللّٰہ الحمد۔لیکن حدیث کے ظاہر سے یہ مفہوم نکلتا ہے کہ یہ مرتبہ حافظ کو ملے گا اور اگر قاری کو بھی ملے تو کیا بعید ہے،کیوں کہ اللہ تعالیٰ کی رحمت محدود نہیں ہوتی ہے۔بہت سے علما ان مجرد حفاظ سے افضل ہیں،جن کو قرآن کا علم نہیں ہے۔واللّٰہ أعلم۔ امام خطابی رحمہ اللہ نے کہا ہے: ’’جاء في الأثر أن عدد آي القرآن علیٰ قدر درج الجنۃ،فیقال للقاریٔ: ارق في الدرج علیٰ قدر ما کنت تقرأ من آي القرآن،فمن استوفیٰ قراء ۃ جمیع القرآن استولیٰ علیٰ أقصیٰ درج الجنۃ في الآخرۃ،ومن قرأ جزء ا منہ کان رقیہ في الدرج علی قدر ذٰلک،فیکون منتھیٰ الثواب عند منتھیٰ القراء ۃ‘‘[2] انتھی (ذکرہ المنذري في الترغیب والترہیب) [ایک اثر (حدیث) میں یہ بیان ہوا ہے کہ قرآن مجید کی آیات کی تعداد جنت کے درجات کے برابر ہے۔قاریِ قرآن سے کہا جائے گا کہ جتنی آیاتِ قرآن تو پڑھا کرتا تھا،اتنے درجات تو جنت پر چڑھ جا۔جس نے سارے قرآن کی قراء ت مکمل کی تو وہ آخرت میں جنت کے آخری درجے تک پہنچ جائے گا۔جس نے قرآن مجید کا ایک پارہ پڑھا تو وہ اسی کے برابر جنت کے درجات پر چڑھے گا۔جہاں اس کی قراء ت ختم ہوگی،وہاں اس کا

[1] مسند أحمد (۲/۱۹۲) سنن الترمذي،رقم الحدیث (۲۹۱۴) سنن أبي داؤد،رقم الحدیث (۱۴۶۴) سنن النسائي الکبریٰ (۵/۲۲) [2] الترغیب والترہیب للمنذري (۲/۲۲۸)