مجموعہ علوم القرآن

[قیامت کے دن قرآن آئے گا اور عرض کرے گا: اے پروردگار! اسے زیب و زینت سے آراستہ فرما،لہٰذا اسے باعزت تاج پہنایا جائے گا،وہ پھر عرض کرے گا: اے پروردگار! اسے مزید آراستہ فرما،پھر اسے عزت کا لباس پہنایا جائے گا،پھر وہ مزید کہے گا: اے پروردگار! تو اس سے راضی ہو جا۔پس (حافظ سے) کہا جائے گا کہ تو قرآن پڑھتا جا اور (جنت کے بلند) درجات کی طرف چڑھتا جا اور ہر آیت کے بدلے ایک نیکی بڑھا دیا جائے گا] 13۔سہیل بن معاذ الجہنی رضی اللہ عنہ سے مروی ہے،وہ اپنے باپ سے روایت کرتے ہیں کہ یقینا رسول اللہ صلی اللہ علیہ وسلم نے فرمایا: ((مَنْ قَرَأَ الْقُرْآنَ وَعَمِلَ بِہِ أُلْبِسَ وَالِدَاہُ یَوْمَ الْقِیٰمَۃِ تَاجًا ضَوْئُ ہُ أَحْسَنُ مِنْ ضَوْئِ الشَّمْسِ فِيْ بُیُوْتِ الدُّنْیَا،لَوْ کَانَتْ فِیْکُمْ فَمَا ظَنُّّکُمْ بِالَّذِيْ عَمِلَ بِھٰذَا؟)) [1] (أخرجہ أبوداؤد) [جس شخص نے قرآن پڑھا اور اس کے مطابق عمل کیا تو قیامت کے روز اس کے والدین کو ایک تاج پہنایا جائے گا،جس کی روشنی تمھارے دنیا کے گھروں میں چمکنے والے سورج کی روشنی سے،جب کہ وہ تمھارے اندر موجود ہو،اچھی ہو گی۔تمھارا اس شخص کے بارے میں کیا خیال ہے،جس نے اس کے مطابق عمل کیا ہو؟]

[1] سنن الترمذي،رقم الحدیث (۲۹۴۸) یہ روایت ایک راوی صالح المری کی وجہ سے ضعیف ہے۔مزید تفصیل کے لیے دیکھیں : سلسلۃ الأحادیث الضعیفۃ،رقم الحدیث (۱۸۳۴) [2] سنن الترمذي،رقم الحدیث (۲۹۱۴) [3] سنن الترمذي،رقم الحدیث (۲۹۱۵)